ابني يتفنن بأسباب رفضه للبنات، كيف أقنعه وأخطب له؟

مرحبا يعطين العافية أنا عم أخطب لأبني عمرو 25 سنة بس المشكلة أنو صرت شايفتلو بنات كتير وما عم يعجبو العجب ولا صيام برجب وكل وحدة بقلو عليها أو منروح نشوف أهلها بيحط فيها ميت علّة , تعبني معو وجنني حتى استسلمت وقلتلو طيب في شي وحدة ببالك رفيقتك أو شي بتحبا لأخطبلك ياها بيقللي لا , شو حلتا للقصة؟ وأبوه كل يوم بينق عليي أنو اخطبلو لابني ... تعبت ليش ما عم يقتنع والله كل اللي عم شفلو ياهن بنات عالم وناس وجمال وكلشي .. ليش هيك ما عم يعجبو شي ؟ قال ما عم يرتاح نفسياً ... كيف بدي اقنع ابني ببنت من هالبنات؟ شو حل مشكلة عدم الاقتناع؟ بتشكركن