ابني يتفنن بأسباب رفضه للبنات، كيف أقنعه وأخطب له؟

قضايا اجتماعية
animate

مرحبا يعطين العافية أنا عم أخطب لأبني عمرو 25 سنة بس المشكلة أنو صرت شايفتلو بنات كتير وما عم يعجبو العجب ولا صيام برجب وكل وحدة بقلو عليها أو منروح نشوف أهلها بيحط فيها ميت علّة , تعبني معو وجنني حتى استسلمت وقلتلو طيب في شي وحدة ببالك رفيقتك أو شي بتحبا لأخطبلك ياها بيقللي لا , شو حلتا للقصة؟ وأبوه كل يوم بينق عليي أنو اخطبلو لابني ... تعبت ليش ما عم يقتنع والله كل اللي عم شفلو ياهن بنات عالم وناس وجمال وكلشي .. ليش هيك ما عم يعجبو شي ؟ قال ما عم يرتاح نفسياً ... كيف بدي اقنع ابني ببنت من هالبنات؟ شو حل مشكلة عدم الاقتناع؟ بتشكركن

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده يا سيدتي اولا ربي يبارك لك فيه وتفرحي فيه وتشوفي اولاده، ولكن ولدك لا يزال صغير ولا يقدر قيمة مسؤولية الزواج ولا اعتقد انه يمكنه الاختيار بعقلانية لذا من رأيي ان تتركيه قليلا وربما بعد ان يكون نفسه قليلا في العمل ويصبح عنده الاستعداد النفسي للزواج هو سيطلب منك او سيقول لك تعرفت الى فلانة واريدها، لا تستعجلي بالموضوع ولا تنقي عليه لان الزن في هذه المواضيع لا ينفع هؤلاء بنات الناس فلا تظلمي واحدة منهن بان يوافق بشكل متسرع ثم لا يعجبه الوضع وتقعي في خطية البنت. دعيه هو يتخذ قراره في حياته، اريحي عقلك وادعي له بالخير والهدى والصلاح. وفقك الله
  • صورة علم Saudi Arabia
    صورة علم Saudi Arabia
    من مجهول
    والله حتي احنا واقعين بنفس المشكله لافه عليه بنت شيطانه حسبي الله عليها بس ضيعت شبابه وهو أصلا بالبدايه ما بدو ياها خطب وحده ملكه جمال بعد قراءه الفاتحه علي عروسته اجت الشيطانه قلبت حياته وتقلي بالتليفون ليش ما تتركوا علي راحته هو ما يبغي عروستهاحنا بنحب بعض ليش رافضتيني شو تقوليلها هاي هددتها وكلمتها بازوق وبالشده مافي فايده وقبل كتب كتابه باسبوع فسخ الموضوع
  • animate

  • صورة علم Tunisia
    صورة علم Tunisia
    من مجهول
    قرأت قصتك فتخيلت انك و زوجك تعيشون في فترة ما قبل الحرب العالمية الاولى . اتركي ابنك يختار مستقبله لوحده . انا في سنه و لم تتصرف امي التي تجاوت السبعين سنة بمثل هذه السخافات
  • صورة علم Iraq
    صورة علم Iraq
    من مجهول
    مشكلتي ام زوجي و اخواته قلبوا حياتي و دمروا صحتي و يتدخلون بكل شي في البداية كان زوجي يستمع لهم و يتعامل معي بظلم و كانه سي السيد كنت احاول تجنب المشاكل و اتعامل مع الامر بدبلوماسية املا في تحسن الامور حتى اصبحت الحياة لا تطاق عندها بدات في المشاجرة المستمرة مع زوجي و اهله و لم اعد اسكت و اطالب بحقوقي و حتى طلبت الطلاق لاكثر من مرة عندما وجد زوجي ان حياته سوف تهدم و يخسرني و يخسر اطفاله اخذ يحسن من اسلوبه معي لكنه ضعيف امام اهله و يرفض الاستقلال بمنزل خاص و هو ما سوف يريحني و يجنبني المشاكل حتى ان هذه المشاكل بدات توثر على صحتي في كل شي و لم اعد استطيع الاحتمال او المقاومة او حتى الاستمرار علما ان مسؤولية اطفالي بدات تثقل كاهلي فهم يعتمدون عل في كل شي لا اريد ان اقصر معهم لكني اشعر بالاختناق كيف اقنع زوجي و كيف اتخلص من هذه الحياة المتعبة علما ان زوجي يعلم جيدا اني لست السبب في المشاكل
  • صورة علم Tunisia
    صورة علم Tunisia
    من مجهول
    إذا إبنك فلتان ومستهتر وغير مسؤول ليش تورطي بنات الناس معو إتركيهي على راحتو ولا تغصبين عليه شئ مو مقتنع بيه فالزواج قرار مصيري يتطلب رجل عاقل ومسؤول صاحب موقف وقرار
  • صورة علم Saudi Arabia
    صورة علم Saudi Arabia
    من مجهول
    ما في طريقه تقنعيه . بنصحك لا تفكري بالضغط عليه ابببدا . اتركوه لفترة وهو لوحده حيجي ويقولكم بدي اتزوج ويرضى ببنت الحلال . هو بيطلع حجج يبدو انو مو راغب بالفكرة كلها
  • صورة علم Saudi Arabia
    صورة علم Saudi Arabia
    من مجهول
    ومين قالك انو اذا زوجتيه يعني حينضب ويترك رفقات السوء . والله والله لو تزوجي اربع زوجات تقيات و خلوقات وهو مو ناوي ينستر والله حيبقى فلتان . حرام تظلموا بنت الناس اذا ابنك مو ناوي الالتزام بالزواج والبيت والاسرة حرام تورطي بنات الناس . لذلك بنصحك انو بالاول توعيه وتفهميه شو يعني زواج وارتباط بعدين تعملوا خطوة الخطوبه . ويمكن خطوباته ما بتتم لانو فعلا مو ناوي الان الالتزام بالعيله . والزواج مو بس مال وبيت وسيارة طبعا الماديات جزء فرعي من الزواج لكن الاهم والاساس النضج والوعي والعقلانيه . ولا تقارني ابنك بشباب ثانيين خطبوا وتزوجوا لانو في شيباب بينضجوا بعمر مبكر ٢٠ سنه وبتلاقيه متحمل مسؤليه عيله وبالمقابل في شباب بتاخروا بالنضج للثلاثين وهكذا طولوا بالكم عليه .
  • صورة علم Saudi Arabia
    صورة علم Saudi Arabia
    من مجهول
    لازم تفهميه انو ما في انسان كامل ومكمل والكمال لله تعالى ولازم يتغاضى ويتنازل عن بعض العيوب لانو هو كمان بشر واكيد بتلاقي فيه عيوب . طبعا في شغلات ممكن تتغاضوا عنها وشغلات تانيه اكيييد لا ما تتنازلوا عنها . هاد طبعا اذا كان فعلا ناوي يتزوج . غالبا الشباب اللي متل هيك بكونوا مو حابين يرتبطوا الان . اتركيه ليطلع الصوت من راسه ويجي لوحده يقولك شوفي لي يا امي
  • صورة علم Syrian Arab Republic
    صورة علم Syrian Arab Republic
    من مجهول
    بحترم وجهات نظركن كلكن أنا بدي أخطبلوا بأسرع وقت مشان خلصوا من رفقاتو الشباب اللي كل يوم بيروح وبيجي معهن , أنا بدي ضبو لابني وخليه يعيش بجو عائلة وهوة أد حالو ورايد يتزوج بس كل مرة يقللي ما عم يرتاح نفسياً , ما في داعي للهجوم عليي , الشرع محلل نظرة شرعية وإذا الشب ما ارتاح نفسياً ليش لحتى أجبروا على بنت كرمال ما ينكسر خاطرها وليش لينكسر خاطرها أصلاً ؟ القصة قبول وموافقة من الطرفين وخلصت القصة , بتشكر آراءكم أياً كانت .
  • صورة علم
    صورة علم
    من مجهول
    ابنك عمرو 25 سنة، لسة صغير بدو يعيش حياته وشبابه بعيدا عن المسئوليات والارتباط
  • صورة علم
    صورة علم
    من مجهول
    بيكون بيحب بنت معينة، ولسة بمرحلة تعارف، فهو مركز معاها ولما تصير الامور على طريق الرسمي ح يخبرك
  • صورة علم
    صورة علم
    من مجهول
    باين إنه ابنك ما بفكر بالخطوبة أو الزواج هلقيت، وبيعمل كدة ليطفشكم ويزهقكم، ويخليكم تصرفوا نظر عن الموضوع
  • صورة علم
    صورة علم
    من مجهول
    سيبوا براحته وعلى أقل من مهلو، لحين ما ييجي يقلكم بنفسه بدي أتزوج أو أنا بحب فلانة اخطبوهالي
  • صورة علم Saudi Arabia
    صورة علم Saudi Arabia
    من مجهول
    قبل ما تتصلي باهل العروس اسالي المحروس البطل امير عصره ابنك شو المواصفات اللي بيتمناها وعهالاساس ابحثي له . ولما تتصلي بالتلفون على اهل العروس تاكدي انو المواصفات متوفرة فيها . وبعدين بتقرروا تروحوا تتعرفوا علبها احسن من هالمسخرة والشوربة اللي عاملينها . وانصحيه انو ياخد بنت اخلاق ومحترمه وملتزمه وبكونوا اهلها محترمين وخلي الجمال باخر الاولويات عشان ما يندم وترجعوا تدوروا بعدين .
  • صورة علم
    صورة علم
    من مجهول
    احكيله انا مش هروح ولا ادور الك مهل عليك لما تلاقي البنت الي تريدها وانت تختارها واحنا نروح نطلبها الك وخلص
  • صورة علم
    صورة علم
    من مجهول
    مهل عليه لما يلاقي بنت الحلال كله خير وكله نصيب يمكن لسا ابنك ما لقى بنت الحلال
  • صورة علم
    صورة علم
    من مجهول
    فهمي ابنك الي بيعمله عيب ليه يروح على بيوت الناس ويشوف البنت وبعدين يقول لا ، ما ينفع هذا الكلام والتصرف يا اختي تحدثي معه وفهميه في الي بيعمله
  • صورة علم
    صورة علم
    من مجهول
    اتركيه فترة وما تخطبي اله لعله يلاقي هو البنت الي يريدها ويقلك يا امي عايز فلانة وخلص اما هيك راح تتعبي كثير معه
  • صورة علم Saudi Arabia
    صورة علم Saudi Arabia
    من مجهول
    والله اللي بيسمع مشكلتك بيعتقد انو مصيبتكم انو عندكم بنت وبترفض الخطاب وخايفين عليها تعنس . يا حجه ابنك ٢٥ سنه لسه صغير على ايش مستعجلين عليه . الا اذا مغلبكم وبدكن تخلصوا منه باي شكل . اتركوه كل شي بصير بالاجبار الا الزواج . ويمكن هو الان مو مفكر بالزواج حرااااام كل يوم تدخلوا بيت بنت وتكسروا بخاطرها خافوا ربكم احسن ما ربي يطلع خطايا البنات فيكم . ابن قرايبي كان مثل ابنك عجب على بنات الناس وهو بشع وشكله مقرف وبالاخر تزوج واحده طلعت مصيبه وعاش معها سنتين وطلقها . اتركوه ابنك لسه صغير . الشباب بيوصلوا للثلاثين لحتى يقدروا يتحملوا مسؤليه البيت . هدول اطفال وبتزوجوهم . اقعدي انتي وزوجك وابنك واهدوا لحتى تستقر نفسيته ويعقل وينضج ويقدر يحدد شو بنفسه وشو بيتمنى بشريكه حياااته . حرااااام تعشموا بنات الناس وتكسروا بخاطرهم حسبي الله ونعم الوكيل . وانا بقولها لاني قبل ما اتزوج كانوا يجيني كتير خطاب واغلبهم متل حكايه ابنك بدهم يتفرجوا عالبنات وينصرفوا . والله كنت ادعي عليهم وعكل واحد بلعب ببنات الناس وبتفرج عليهم وبتركهم الله اكبر .

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟