حماتي تضايقني بتصرفاتها وعندما أتكلم معها تقول:أنتِ مثل ابنتي

قضايا اجتماعية
animate

إنار متزوجة من سبعة شهور وحامل في الشهر الرابع حماتي مخلياني اكره نفسي وبنفسيتي بقت تعبانه منها من اول ما اتجوزت وهيا بتتدخل في حياتي احنا عندنا تقاليد العروسة لما تتجوز تنشر غسيل في اليوم التالت كده لما انا نشرت تقولي ايه الغسيل ده كله متنسيش كتير كده تاني هو فم واحد في الغسالة وبس وبعدين تنشريه ومش المرة دي بس لا من ساعة ما تجوزت لحد دلوقتي كده وتتدخل حتي في وقت لم النشير ولنقعد في مكان في السطح عندها علشان تراقب الشباك عندنا حتي في الشتاء لو لفتنا منورين النور تيجي تقعد معانا لحد ما تنام كل يوم بتيجي عندي يمكن مرتين تلاته في اليوم ولو قمت ودخلت اي مكان عندي في الشقة لازم تيجي ورأيا تشرفني بعمل ايه لازم تعرف انا كلت ايه كل يوم وخرجت روحت فين والساعة كام ولما خرجت اخدت توكتوك ولا روحت مشي ولما ماما وأختي تيجو لازم تسألني هما جهم الساعة كام ومشيو امتي وتقولو انتو كنتو قاعدين تتكلمو في ايه وعلشان انا بعمل الاكل قبل مأجورين يجي بساعة علشان الاكل يبقي سخن تقولي لا اعملي الاكل من الصبح وابقي جبيه بارد ومش مرة ولا اتنين لا ده الكلام ده كل يوم تقريبا بتقولهولي وحاولت ابين اني مضايقة منها من الكلام ده وهي عاملة نفسها مش واخدة بالها ده غير لما بروح عند اهلي بتدخل تفتش في الشقة وانا اخدت بالي ومردتش اقولها وكل ما تتكلم تقولي اصل انا بحبك زي بنتي بالظبط ده غير انها مش عوزاني أكلم جيراني ولا أكلم حد من قرايب جوزي بصراحة انا من سهر كده بطلت أرد علي جرس الباب بسببها وهيا ولا كأنها هنا كل ربع ساعة تنزل ترن لحد ما افتحلها ولما تقولي مكنتيش بتردي ليه اقولها مشغولة او نايمة عادي خالص ولا كأنها واخدة بالها انا مش عارفة هيا ازاي عاوزه تكلم واحده مش عاوزه تكلمها بالعافية انا مش عارفة هيا ازاي راضية علي نفسها كده حتي لما بطلعلها عندها اقعد معاها شوية بعد ما انزل تيجي ورأيا بردو انا من ساعة ما تجوزت وانا مش عارفة ارتاح في بيتي منها وحماس قلها مره قدامي قول مااتجوزت قومي بقي وارحمهم شوية لمرات ابنك تقول غليها كانت جوازة زفت ولا كان فيه حاجه ولا كان جوزها قلها حاجه وقولت لجوزي وجوزي قالها مرة ملكيش دعوة بيها ومتتدخليش في البيت علشان مراتي بتزعل قالتله اصل انا بحبها زي بنتي وبرده نفس الحركات ونفس الكلام ولا كان جوزي قلها حاجه ولما قولت لجوزي تاني قالي أمي كده ومش هتتغير اعمل ايه يعني انا مش عارفة اعمل ايه أقول لاهلي ويحطولها حد ولا اعمل ايه بالظبط

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده يا ابنتي صدقيني الالاف من الفتيات والعريس يعانون مثل معاناتك الا من رحم ربي وكانت حماتها فهمانها وسيدة عاقلة، والسبب له علاقة بالطرفين بك وبها، فالحياة الزوجية تحتاج من العروس مراعاة لام الزوج وانها في مقام والدتها وهي ام زوجها وبرها واجب عليه ومحاولة بقاء العلاقة بينهم طيبة امر ضروري وفي ذات الوقت تحتاج الى تفهم من الام بان تعطي لابنها وزوجته الحرية وانها فخورة بان بيتها انبثق منه بيت اخر، ولكن في مثل حالتك احتاج منك اولا الانتباه لامر هل حماتك تعيش وحدها ولا يوجد لها اولاد او بنات في البيت وانك الكنة القريبة والوحيدة فتشعر بانك ملاذ لها وكانها ما صدقت يكون عندها احد فتجدينها تجد السلوى عندك؟ ام ان حياتها عامرة ولكنها تبقى وراءك انت؟ هل سلوكها هذا مع كل الكناين ام معك انت وحدك، اريدك ان تفكري بالحقائق وضعي المشاعر قليلا، هل تتصرف بهذه الطريقة دوما مع الجميع ربما هذا اسلوبها وبدلا من النكد والمشاكل يجب ان تغيري طريقتك في التعامل معها ومع اسلوبها، لذا من الضروري ان تتحدثي اليها بهدوء ومحبة وحزم وتضعي بعض القواعد وتحدثي بلغة انا، مثلا قولي لها انا اتعب في الحمل واريد البقاء في الصباح وحدي لاستيقظ واستفرغ من الوحام وارتاح لذا ارجوك ان لا تقرعي الباب علي الا ان اتصلت انا بك، وعليك ان تحافظي على الامر بان تكوني حازمة لجعلها تفهم وربما تحتاج لفترة حتى تستوعب ان الصباح لك وهذا وقتك الخاص، وكذلك بالنسبة للاسئلة قولي لها انت العموميات قبل ان تسألك وان سألت عن امر خاص تعلمي ان تردي عليها صراحة، سامحيني دة امر خاص وما بحبش اتكلم فيه مع احد وكرري الامر ودعيها تتعلم ما تريدين وما لا تريدين، وفي ذات الوقت كوني لبقة ومهذبة وزوريها وتعاملي معها بالحسنى، والاهم احذري من النق على راس زوجك باخبار امك فعلت وامك وامك لأنك تضعينه بين نارين، وعليك ان تغلقي شقتك وبطريقة ذكية خذي المفتاح الاحتياط منها، ويمكنك ان تخبئي المفتاح الاحتياط بطريقة ذكية في بيتها بدون ان تراه حتى لا تفتح بيتك في غيابك، وحاولي ان تشعريها بانك مثل بنتها، وان شاء الله تكبرين وتصبحين ام وتتفهمين مشاعرها، وفقك الله
  • صورة علم Saudi Arabia
    صورة علم Saudi Arabia
    من مجهول
    تحمليها وخلاص ولما تدق بوقت لاتريديها لاتفتحي لها الباب ولما تسألك ردي بكيفك باللي تريديها يااختي انا زيك تسأل على كل شئ بس ماتسألني أنا تسال أولادي وتتجسس من وراء الباب وقدامي كأنها لاتريد معرفة اي شئ
  • animate

  • صورة علم Tunisia
    صورة علم Tunisia
    من مجهول
    احسن حل تتاقلمي معها و لا تنزعجي منها و ريحي بالك لانها واضح انها بتحبك فعلا و لا تحب المشاكل و تعاملك مثل بنتها و هي لا تبحث على المشاكل معكي.
  • صورة علم Saudi Arabia
    صورة علم Saudi Arabia
    من مجهول
    تحمليها وخلاص ولما تدق بوقت لاتريديها لاتفتحي لها الباب ولما تسألك ردي بكيفك باللي تريديها يااختي انا زيك تسأل على كل شئ بس ماتسألني أنا تسال أولادي وتتجسس من وراء الباب وقدامي كأنها لاتريد معرفة اي شئ
  • صورة علم
    صورة علم
    من مجهول
    حاولي يا اختي الكريمه ان تتقربي منها قدر الامكان فهي تبقى ان زوجك وبالنهايه بدك تتحملي وتكتمي غظك منها وتاكدي ان الله سبحانه وتعالى وسيكافئك
  • صورة علم United Arab Emirates
    صورة علم United Arab Emirates
    من مجهول
    يا بنت الحلال اعرفي طبعها وامشي عليه ما دام جوزك كويس معاك اكرميها علشان خاطره . وريحي دماغك
  • صورة علم
    صورة علم
    من مجهول
    ابنها اللي هوا زوجك مش حيعمل شيء لانو واقع بين نارين .. نارك ونار أمه ف شو بده يعمل اكيد حيرفع يده من الموضوع انتي اللي حتتصرفي .. تجاهليها اعملي اللي انتي مرتاحة له . لو بقيتي هيك حتتعب نفسيتك ..حافظي ع صحتك انتي حامل
  • صورة علم
    صورة علم
    من مجهول
    شخصيتها فضولية وبتحب تعرف كل شيء . وهذا النوع بيكون طيب كثير لو استغليتي طيبتها انتي اللى حتكوني كسبانة .. يا اختي انتي لسا صغيرة والحماية بدها ونس بالبيت احكي معها واستشيريها .. يعني بالهداوة كل شيء بينحل
  • صورة علم
    صورة علم
    من مجهول
    طيب حاولتي انك تتكلمي مع حماكي .. شوفيه ممكن هوا يحكي معها ويخفف من هذه المعاناة .. لمتى هيا حتظل هيك .
  • صورة علم
    صورة علم
    من مجهول
    يا أختي اختصري عليها الكلام .. خليها تعمل اللي بيحلا لهاطنشي وعيشي حياتك ..اعتبريها مش موجودة
  • صورة علم
    صورة علم
    من مجهول
    الحماية بتكون فرحانة عالكنة الاولى وبالفعل بتعاملها مثل بناتها ..انتي حسني النية وحتلاقيها فعلا بتحبك

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟