كيفية التعامل مع الأم الصعبة

كيفية التعامل مع الأم الصعبة أنا فتاة ابلغ من العمر 39سنة احب الحياة والترفيه فانا كثيرة الحيوية كما كنت اعشق الدراسة شاءت الاقدار ان اترك دراستي لانو كنا بزمن البنت تضل بالبيت بكيت كتير بس بعدين استسلمت للأمر الواقع كنت دراع ابي الأيمن بحبو كتير وبساعدوا بكل شي، وبيوم قررت اكمل دراستي وبتحفيز من والدي الذي كان يحبني كثيرا على عكس امي التي كانت تحب اختي التي أكبر مني كما كانت تغار لها ولباقي اخوتي كثيرا مني بحكم أني الأجمل وإلا ذكى

 سارت حياتنا بكثير من المشاكل بيني وبين اخوتي وأمي لكنها كانت تظهر بمظهر عادي الى ان توفى والدي ،صار مو من حقي اتدخل بأي موضوع بيخص العيلة ولما احاول اتدخل أمي بتحكي ما حدا سأل عن رأيك كنت اسكت واتجاهل الأمر وأشغل نفسي بشغل البيت والمزرعة حتى انو اهلي عجبهم الأمر،بتشتغل وما بتحكي

 صرت وحيدة بلبيت بعد وفاة  أبي  ، إلي الحق باني آكل معهم وبس ما حدا ساعدني بدراستي ولا إلي حق ألبس مثلهم ،كانت امي بتحكي ابوكي لي كان مدللك راح مع ابدا ما حسس اخوتي بانوا يحبني أكثر منهم لانو كان حنون كتير بالعكس انا لي كنت دايما مثل ضلوا وما بتركوا

صبرت كتير لانها أمي وما فيني اعمل شي لحد اليوم لي ضربني اخي الصغير ولسبب تافه ،هيا ماكانت اول مرة بس هالمرة خلص خاصة انو أمي دايما بتصف معو ساعتها قررت ادرس معهد وفعلا درست واتوظفت ،زاد كرههم إلي لاني تركت شغل الزراعة واتوظفت حتى لما اشتري اغراض ما بيحبوا يشاركوني اياها وبيخبوا عني كل شي

شفت مهنم اشياء ما بتنحكى ،الغريب وما بيعملها حتى اني بيوم مرضت وسافرت اسوي عملية، خبرتهم بس ما حدا راح معي سافرت مسافة 2000كيلو تقريبا لحالي وسويت العملية اول ما صحيت دقيت على أمي لي سارقة رقم تلفونها سرقة وخبرتها اني هلا طلعت من العملية والله والله سكرت بوجهي وما قالت حتى الحمد لله على سلامتك ضليت 15يوم بالمستشفى لا حدا منهم اتصل ،رجعت للبيت نفس الشي ،قاطعوني نهائيا باكل لحالي حتى برمضان و بالأعياد لا بيقبلوا يصرفوا من فلوسي ولا تركوني اعيش معهم بالشي لي تركوا أبي الله يرحموا حتى لما اجاني خطاب رفضتهم امي واخي وما خبروني ،كل هاد لاني كملت دراستي واشتغلت مع العلم انو اختي اصغر مني كانت تدرس واشتغلت بعقد مؤقت وهلأ تجوزت وما حدا حكى شي ،هلا انا قليل ما بضل بالبيت بحكم شغلي ودراستي بالجامعة بس الوقت القليل لي بضلوا بلبيت بحس حالي مخنوقة مع اني طول الوقت بضحك ولي بيشوفني ما بيصدق انو هادي حكايتي ...لله المشتكى ارجو مساعدتي في ايجاد حل