أمي هي جنتي وناري ولكن...

انا بنت عمري٣٢سنه انسه عايشه مع امي وابويا مشكلتي الاكبر امي واسلوبها معايا انا مو مقصره فحقها مهما كان دي امي جنتي وناري لكن لمتى المعامله دي لمتى تحبسني فالبيت وتضربني وتمنعني من الاكل وتسب وتهزىء وطول الوقت تدعي عليا وانا قسم بالله ما اعمل الا كل شي يرضيها ساعات هفوات مني انسى اجبلها شي تطلبو او ما اعمل الشي الي تبغاه بالكامل تدعي وتسخط وتلعن وغير كذا حارمتني من الصديقات تقولي هم اساس الخراب وكل ما اتعرف على صديقه تتصل عليها وتقولها ابعدي عن بنتي وتهددهم وكل ماجاني عريس رفضت تزوجني انا كبرت والعمر بيجري اختي اصغر مني تزوجت وخلفت وانا مانعتني من الزواج لما تشوفني مبسوطه لازم تنكد عليا وتخليني انهار من البكى كرهت حياتي كرهت كل شي بسببها حتى فالنوم والله العظيم كوابيسي كلها امي اصحى مفجوعه هزت ثقتي فنفسي من وانا صغيره ماعندي ثقه بنفسي ولا اعرف اتكلم كويس مع انو تعليمي عالي ومعايا شهاده ماجستير لكن عجزت اتحمل اكتر من كذا ادعي ربي ياخذني عنده وارتاح من حياتي ولا اهرب من بيتي ولا ايششش اعمل تعبت من قساوتها وتسلطها وحرمانها لاي شي يحسسني بسعاده ارجوكم ساعدوني بدون تجريح،،اختكم