قلبي اسود واكره الجميع بسبب ما فعلوه بي بطفولتي

مشكلتي اني تعبانة بسبب الناس حواليا من صغرى.. وانا صغيرة مكنتش بتكلم خالص مع حد من عيلة ماما او بابا لاني كنت بشوفهم أشرار اوووى كنت اروح عندهم كأني مروحتش...وافتكر كمان لما كنت بروح مع ماما عند مرات عمي وانا صغيرة كان مرات عمي عندها اختها اسمها نوسة كانت بتبرقلي دائما يعني بتطلعلي عنيها لبرة اوووى طول الوقت كانت بالنسبالى عفريت في الراحة والجاية تبرقلي كنت بخاف اروح عندهم عشان بخاف منها.....ولما كبرت وبقى عندب 15 سنة وكنت بايتة عند عمتو انا وماما وعمتو وواحدة تانية..تفاجأت انها جاية عند عمتو كمان وتفاجأت ان فعلا في واحدة اسمها نوسة بتخوفني دي حقيقة مش يعنى عشان كنت صغيرة بتخيل وبخاف من اي حاجة..فعملت كالتالي... مسلمتش عليها وفضلت قاعدة قصادها بصلها نظرة كره وكره وكره بكرها جداااا و وضعت قدم على قدم في وجهها....ولو كنت قدرت اقتلها هقتلها وهقتلها كذا طعنة بالسكين او افتحلها راسها بحاجة.....أو ارميها من البلكونة والكل خد بالوا مني وقلت لأمي اية سبب اني عمات كدا....وأخذتها بهزار.. مشكلتي اني مش هقدر اسامح حد ازاني في طفولتي او حتى دلوقتى..... يمكن زي ما بيقولوا قلبي اسود.... كل ما بتخانق مع ماما خناقة عادية زي خناقة بنت وامها بجبلها القديم والجديد وكل اللي انا شايله لها في قلبي...وابي انا مبحبوش دا حتى بحب مدرس اكتر من بببايا... علاقتي مع المدرس حلوا جدا بحسه هو اللي ينفع ابويا.... بابا كل ما يتدخل في حاجة بببقي متدايقة لانة علطول شايل ايدة من اي موضوع.... ممبحبش ابص في ووجهه....أو اتكلم معاه....دائما يضربني لما اعمل شئ خطأ من صغرى..... كل ما اعمل حاجة غلط يزعق ويضرب ميعرفش يعني اية تفاهم بالكلام........ لما كان المستر بيحكلنا عن علاقته مع اولادة وازاي بيتعامل معاهم... قلت لنفسي لية متبقاش انت ببايا... كنت بحسد ولاده...انا بقيت شخصية سرحانة في خيالي دائما لانة أجمل وبعدين ارجع ابكي واقول لنفسي كفاية بقى انا في الواقع..... انا كمان لما بشوف حشرة....... بفضل اتخيل طول الوقت ان في حاجة ماشية عليا بحس ان في حاجة على جسمي كأن فعلا في بس الحقيقة ان مفيش حاجة..... وكارهه جدااا فكرة الزواج... اتمنى لو كنت ولد مكنتش هتزوج عشان محدش كان هيجبرني... خايفة اتزوج من شخص يشبة علاقاتي السيئة مع عائلتي ومع الناس ومع صحابى.... لو حد كلف نفسة وخد بالة هيلاقى اني مش معاهم انا بقضي وقتي مع نفسي كتير اوووى... انا دى قصتي مع الناس انا بكرهم وبخاف منهم حتى مع أول لقاء معاهم ولما حد يقولى فلانة كويسة وانا معرفهاش بفضل اقول كلام سئ عن طريقة تعامل الشخص في المستقبل وحتى اللي معرفهمش ...... انطباعي عن الناس واحد انهم أشرار انهم جحيم..... حتى اني بصدق مقولة ( الجحيم هم الآخرون)...هل يوجد حل......