أمي دفعتني للخدمة في بيوت الناس وحمل الطوب وأنا طفلة

مشكلتي لو حكتيها من اول يوم اتولدت فيه هصعب عالكافر مع البكاء .. انا تربيت مع زوج امي وشفت معاه العذاب الوان.. امي كانت بتشغلني في البيوت من سنة اولي ابتدائي.. في الاجازة اشتغل وايام المدارس اروح مدرستي لغاية 3 اعدادي من الضرب والاهانة رسبت .. شغلوني في مصنع طوب اشيل طين علي راسي من 8 الصبح لغاية 6 المغر .. وكنت لسة صغيرة رحت الارض وبقيت اقطف قطن وكنت برجع من غير ما اخد لقمة معاية خلس .. جوز امي يتلكك لي بقت امي تمشي وراه تطردني انام في الشارع ولو عرفت اني روحت نمت عند جارة لينا تروح تقول لها كلام جارح عشان تمشيني يعني تقول لها انتي مخلياها لابنك أو جوزك فيخافو ويمشوني.. وخلفت من جوزها ولد و 4 بنات رجعوني اما عرفو ان في واحد عاوز يتجوزني وهسافرالسعودية .. طلبو شبكة 5الاف ج و5 مؤخر 5 مقدم والكلام دة من 30 سنة .. اناعندي كان عندي 15سنة عمل .. المشكلة طفش العريس يوم الحنة عشان كان عاوز يمضيه وصل امانة .. المهم اللي عملو فية وجدوا في اولاده اللي بيمشو مع شباب يتحبسو ومشبوهين .. مشيت اتجوزت اللي كان جايلي وجوز امي طفشو.. ليلة الدخلة عرفني اننا هنروح الاردن اشتغل فالدعارة عملت موافقة .. جوز اختة بقي يجي هو واخت جوزي كانو عارفين انة هيشغلني بكيت لهم ووقفو جمبي و فضلوا وراية الغاية ما خلصوني منة لقيت اخت جوزي جايبة لي جواب من جوزها سالتها هو فية ايه .. قالت اة جوزتني لية ما انا مليش مكان اروحو طلع زي طليقي عملت المستحيل واطلقت اتجوزت ثالث مرة كان صايع وواحدة بتاكلة بس قلت ظل راجل ولاظل حيطة خلفت منة 2 ولد وبنت اتحبس وعمرهم صغيررجعت للشقة تاني وهو في فترة التحقيق اخوة كان عوز ينام معاية وحط السكينة علي رقبتي فكرة لة فحوار خرج قفلت الباب ومردتش افتح راح شال الفاكة اللي ببعها بالدين عندهم روحت لامي واخواتي يقفو جنبي.. اختي من الام اشتغلت راقصة وقالت مش بايدي وجاتني رمتلي عشرين جنية ومشيت ملقتش حد وقف جمبي رجعت لاختي وشغّلتني راقصة.. اعمل اية .. عشان ولادي والسكن وعرفت جوزي كان عادي استلمني طلبات متاخرتش بس بعت جواب لامه اللي مكنتش بتسال عني يقول لها هطلقها لما اطلع رفعت قضية خلع واطلقت اسفة علي طول كلامي واتجوزت عن حب.. اهلو اعترضو ..اتحداهم واخدني وعشنا 5 سنين ساكنين وبعد كدا اهلو لما اتاكدو اني كويسة خدوني البيت معا اخ صغير انا في حالي وهو في حالة.. رجعو قلبو علية وانا ساكتة لان جوزي بيحبني وطلق اتنين عشاني رغم اني مكنتش راضية المهم امي طول عشرين سنة مبتفكرش تسال عني مفيش الا طليق اختي من الام هو اللي كل ست شهور أو سنة يسال اسئلة علي امي يقولي مش عاوزة تكلمك وكلمتها كزا مرة تتهرب مني ولو بنتي راحت هناك تقول لها علية كلام وحش.. ابوس الارض اللي بتمشو عليها.. اناكدا ابقي عاصية اهلي؟ حكاية ابوي قصة لوحدها .. عاوزة من اللي يحس بية اعمل اية مع امي والله العظيم شغلي كانت بتاخده .. انا كدا عصياها؟ وحريم اخوات جوزي بيغيرو مني لاني حلوة وعاوزين يطفشوني بالله عليكم تدلوني اعمل اية تعبت اوي انا عمري 47 سنة بس محافظة علي نفسي اسفة عالاطالة اتمني صدركم يكون مفتوح لي