للأسف أبي سبب ضعف شخصيتي

مرحبا انا عمري 18 سنة بعاني من الخجل قدام الناس و انو اذا غلطو عليي او قدامي بضل ساكتة و بسامحهن كرمال مااخسر علاقتي فيهن .. طبعا صار في استغلال منهن الي .. بسبب مرحلة الوعي و النضج يلي عم مر فيهن اكتشفت انو سبب هالحالة هي تربية ابي الي منذ الصغر . بابا انا وصغيرة وقت يعصب عليي كان يصرخ فيني كتير عكل صغيرة وكبيرة عاي غلط حتى لو كان تافه مثلا كسرت كاسة فيقتو بدون قصد و كان دايما يسمعني كلام متل انك فاشلة و مارح تنجحي بحياتك .. طبعا انا من جهة الدراسة من المتفوقات و مااثر حكيو فيني ابدا بس من جهة شخصيتي كتير عم عاني من هالموضوع انا عندي مشكلة اني اخد حقي لما حدا يستغلني و بالعكس بمشي الموضوع بكل قلب طيب مع اني بين اهلي ابدا ما بسكت لحدا فيهن بس اصدقاء ومعارفي هيك قدامهن البنت الطيبة يلي بتسامح دايما و دايماً بسعى انو الشخص التاني يكون رضيان ومبسوط حتى لو على حساب سعادتي او مبادئي و اذا حدا غلط وجرحني و بعدها عمل شي حلو الي مستعدة سامحو فورا وانسى كل شي عملو و متل مابقولو الذكي ما بيوقع بالجورة مرتين بس انا للاسف بسبب طيبتي بوقع مرة ومرتين وعشرة .. لو سمحتو كيف صلح الموضوع ؟؟ حتى صار عندي سخط لابي لاني عم حس انو كل يلي صار معي بحياتي هو بسببو هو وبسبب شخصيتي الغير قوية وهالمشكلة عم شوفها باخي الصغير يعني كمان بابا دايما لما يعصب منو بصرخ فيه وبحكيلو انت غبي ماهمك غير اللعب و الاكل و اخي كتير متاثر و ثقتو بحالو ضعيفة انا كيف بعزز ثقة اخي حتى ما يصير معو نفس يلي صار معي بس يكبر ؟؟ و ابي ابدا مافيني ناقشو بهالموضوع او غيرو لانو بابا كمان تربى على هالاسلوب و جدي ربى بابا بنفس الطريقة