ولادتي القيصرية مؤلمة جدا

مرحبا سؤال طبي انا ولدت مرتين بعمليات قيصريه وكل عمليه اصعب من التانيه وكنت كتير اطول وانا بتالم من الجرح لايام واسابيع ما كنت اقدر اقعد واوقف الابمساعدة حد يعني ما اقدر اتحرك قيام وجلوس الا لما حد يمسك بايدي لمدة عشر ايام من العملية مع الام شديده باستمرار حتى اني ما كنت اقدر انام على ضهري بشكل طبيعي لان بالليل ادا البيبي صحا ما رح اقدر اقوم مشان اشوفه ولا حتى الف على جنبي باتجاهه يعني معاناه من الدرجه الاولى انا هلا حامل وكتير بفكر بالموضوع هاد يعني بشوف الستات يلي بيولدوا بعمليات ماشاء الله من تاني يوم من العمليه بتقوم وبتقعد لحالها بدون مساعده في الم اكيد بس الحركه طبيعيه الى حد كبير ما شاء الله في ناس بيقولولي احتمال يكون في نقص فيتامينات عندي او اي مشكله بتسبب هاي المعاناه الطويلة يعني ممكن يكون فيتامين معين او دواء معين بحل المشكلة سؤالي للطبيب هل هاد الشي ممكن ولا هي اختلاف اجسام فقط لا غير باريت الاقي رد