مرضي منعني من تحقيق حلمي، فما الحل؟

السلام عليكم ماني عارفه كيف أبدأ. عندي مشاكل كثيره اولها اني مصابه بمرض نفسي اسمه ثنائي القطب تجيني فترات اكون طبيعيه. لكن النوبات منعتني من اكمال دراستي وهي حلمي. والحين انا جالسه في البيت لا شغله ولا مشغله. اخذت كورس انجليزي ولغتي تتحسن. لكن قعده البيت ممله لي 6 سنوات كذا. ودي ادرس او اتوظف. غير هذا عمري 28 ولا تزوجت وذا الشي مضايقني. واللي يقهر انو ماعندي صديقات. كل اللي كنت اعرفهم تركوني. وعلى فكره مو عشان مرضي. احس بضيقه مايعلم فيها الا ربي. اوقات اجلس ابكي من دون سبب. احس كل الابواب مقفله في وجهي استغفر الله مافي شي مفرح في حياتي واكثر شي يحزني انو ماعندي حياه اجتماعيه صفر انا مو في حاله اكتئاب لكن حاسه اني فارغه فارغه من المشاعر. واعبي فراغي بالاكل. مااحب افضفض لامي او اختي. ماعندي طموح او هدف اتحمس اقوم من النوم عشانه. صح اني احاول اشغل نفسي بالطبخ او القراءه والعنايه ببشرتي. بس ارجع لفراغي. وصراحه احس اني صرت عبأ على اهلي هم ماقد حسسوني بذا الشي بس هو الواقع. الايام قاعده تمر وانا في مكاني. وحيده. معليش افكاري ملخبطه. شكرا لكم