حاولت أن أشفي نفسي بنفسي وإليكم النتيجة

اعاني من مشكلة عدم تركيز وعندي انخفاض ضغط مزمن ومرات اصفن بس مافكر بشي والله ..ومرات من يحجي المقابل اني اسمعة بس احس كلامة مايدخل لعقلي الة انتبه (للشفاه ) مالته شديحجي يلة اكدر اركز وياه عبالك ماسمع بس اني اسمعة يحجي ..وبالنسبة للدراسة جربت كلشي وكل طريقة حتى قريت كتب تخص هالمواضيع بس عندي كره للقراية رغم دراستنة حلوة واختنك وابجي من يجي يوم الامتحان واني مقارية شي لو مجرد بس الزم ملزمة اختنك اظل افكر اني ليش ماقرة ازين رغم اني كلش شاطرة ويصيرلي واهس بيوم الامتحان بس مالحك اقرة كلشي .عندي مشاكل من طفولة ذكريات مؤلمة بس عالجت نفسي من خلال قرائتي للكتب اللي تخص علم نفس وقويت علاقتي برب العالمين بس رغم كلشي احس روحي ضايعة من كثر ماتاذيت من بقية كونت شخصية زينة الية بس هم مرات اكره ناس كلهة هيج فجاة رغم اني محبوبة كلش من جميع واجتماعية هم ..عندي هوايات هواية اشتغل بيهن بس ع النص وماكملهن ..ممكن نصيحة من فضلك وشكرا مقدما