صورة علم Lebanon
من مجهول
منذ 4 شهور 10 إجابات
0 0 0 0

كيف أحسن من حياتي وأتغلب على ظروفي المادية الصعبة

أعاني من مشكلة ولا اجد حلا لها ..كرمال ما ادخل بتفصيل كتير انا بنت مالي حدا سورية ساكنة عند قرايبن لالي بلبنان مشكلتي انو حاسة الدنيا كلا مسكرة بوشي وماعم لاقي حل مامعي شهادة لانو تركت الجامعة قبل ما اتخرج اشتغلت كتير شغلات وماتوفقت بشي بسبب محاولات الاستغلال يللي اتعرضلا مامعي اقامة واقامتي مو شرعية وساكنة بمنطقة بعيدة مقطوعة واذا بدي اشتغل هي بحد ذاتا مشكلة لانو مافي مواصلات روح واجي فيها واذا بدي استأجر تكسي تاخدني وتجيبني رح حط اكتر

من المعاش يللي ممكن اخدو عمري صار ٢٦ سنة ولحد هلأ مافي اي مستقبل لالي بشي ومو عرفانة شو اعمل دراستي بدا مصاري كتير واذا بشتغل ليل مع نهار بدي وقت طويل كتير لاجمع المبلغ خصوصا انو بعد سنتين بلبنان ماقدرت اجمع ليرة حاسة مالي مستقبل ومكتئبة كتير من هالموضوع بتمنى سافر وحاولت كتير لاقي طريقة بس مافي نتيجة كلشي بفكر اعملو بدو مبلغ بلش من عندو شغل او دراسة او سفر بعرف رح تقولو خلي ايمانك بالله كبير وصبري ومن هالحكي بس انا بدي حل لحد هاليوم بصرلي ٦ شهور قاعدة بالبيت مامعي اجار تكسي تنزلني دور عشغل وكمان

حاولت لاقي شغل عالنت وللاسف طلبات بأنو البس قصير او اطلع عكافتريا مع صحاب الشغل ماخليت طريقة او اسلوب بس شغل برواتب قليلة لدرجة اجار طريق ما بتكفيني شو المفروض اعمل مو معقول ضل قاعدة هيك مابعرف حدا بلبنان ممكن يدعمني فترة لوقف عرجليي وقرايبيني مافيي اطلب مساعدة منن لانو مو قبلانين يساعدوني بشي وفوق هيك بضلو يسألوني شو ناوية تعملي لانو ملو من قعدتي هيك بليز يللي عندو حل يجاوبني ويللي بدو يقلي تفائلي وصبري بليز لا تجاوب لانو ماحدا بحس بالوجع غير صاحبو

أضف إجابتك

صورة علم United States
السؤال التالي