أحاول أن أعدل بين أولادي لكن غيرة ابنتي الكبيرة تزعجني

انا عندي بنتين وولد بحب ابني وبنتي الصغيرة اما بنتي الكبيرة بشتريلها اشياء بضمها لكن بلاقي بس تغلط بضربها ضرب انا بوجع قلبي و بعذب ضميري مش عارفة هي بتزودها و لا انا الي ما بتحمل شي منها المشكلة بنتي مخارج الحروف اغلبها غلط عندي هل لهاد سبب بتعاملي معها و خصوصا بعامل اخوتها بحنان اكتر بحاول اعدل بينهن وبالعكس مرات بزيدها عنهم لكن بتفاجئ ان هي بتنتبه لابسط حركاتي مع اخوتها بالاول كانت تكتم غيرتها بعدين شجعتها تطلب ازا بدها تلعب او او بحس حالي بلاعبها و بضحكها و بضمها تكليف مو متل اخوتها شي من قلبي وحتى لو كان من قلبي بكون مؤقت بس انا كمان دوامي طويل و مسؤولية بالبيت وبرا البيت وهي بتجاكر واوكي حل جكرها اكون رايقة وحنونة بس مو دايما نفسيتي او مسؤلياتي بتعطيني وقت لاستوعب كم المشاعر السلبية الي عندها و اتعامل معها برواق بنتي بتقضم اظافرها و مخارج الحروف غلط عمرها 6 سنوات كنت ما افهم زمان لما كان عمرها سنتين لتلت سنين ليش لسا ما بتحكي شي و ليش بس ادخل عالبيت تبلش عياااط بنكد لغيرت المربية واعرفت بعدين كم شغلة كاينة ادايق بنتي فمش عارفة وين الخلل في ولا بهديك المرحلة ولا ببنتي انا بعرف ان الطفل بيختزل في ذاكرته لحظات معينة وانا ما بدي اكون الأم الظالمة الي بتضرب ممكن بعد كذا موقف بضرب لكن بشدة بديش اكون الوحش في شريط الذكريات اللحظات المختزلة