كيف أصنع من طفلي شخصية سوية بعيداً عن تشدد أهلي؟

السلام عليكم ورحمة الله وبركاته انا أم منفصلة لدي طفل عمره ٥سنوات ونصف أعيش عند أهلي أهلي يعيشوا في عماره بها زوجات أبي ومن اقاربي ويوجد اطفال في عمر ولدي انا الان أواجه مشكلة اولا انا اتربيت في بيئة بها من التشدد وعانيت من هذا الأمر والان عمري ٢٦ والحمدلله اهتم بأمور ديني ومحافظة وملتزمة بها لكن بتوسط وبدون تشدد وهذا النهج اتعامل فيه مع ولدي لكن حصل كم موقف وأريد الحل المناسب لمثل هذي الأمور في يوم ولدي كان يتفرجيشاهد التلفاز وومسدوح ع بطنه قامت اختي من ابوي وبنفس عمره تقوله هذي جلسة الشيطان لاتنسدح كذا ومر والدي من عندهم قامت تخبره بأن ابني يجلس جلسة الشيطان قام والدي قاله ايوا هذي جلسة الشيطان وصلح جلستك بعدها جاني ولدي وقالي ماما هذي جلسة الشيطان قلتله لا بس الأفضل انك ماتجلسها قالي جدي اكبر منك وهو يعرف وانا ايضا بأنسدح ع بطني عند النوم او لمن اشاهد التلفاز يعني شيء بأسويه وبحثت في النت طلعت في احاديث ضعيفه لكن الافضل صحيا تجنب هذا الأمر وايضا مثل الموسيقى زوجة أبي تخبره ان من يسمع الموسيقى يصب في اذنه رصاص يوم القيامة إلى في يوم ولدي جا يقولي ماما انا خايف ادخل النار عشان ان اسوي اغلاط يعني اغلاط في عموم الحياة وليس فقط في الأمور الدينية بعدها وضحت له ان كل إنسان بيغلط بس احنا نصحح غلطنا بعدة أمور وذكرتله مثلا اذا زعل احد يجبله هدية بسيطة اويعتذر ويستغفر ربنا ووو يعني ذكرتله بعض الاخطاء وكيف نصححها عشان لايكون عنده لوم للنفس بسبب الاغلاط لكن انا بزيادة بأواجه هذي المشكلة في أمور الدين يعني انا ماابغا اغط أبوي قدام ولدي وبنفس الوقت ماابغا ولدي يتعقد او يضطر يسوي اشياء عشان الناس لأن جات فترة مريت بهذا الشيء يعني احسها رح يتعلم ع النفاق خاصة امور الدين اللي فيها اختلاف او حتى ع ملابسة اذا لبسته شورت بيقولو ان هذا مايسير وانه قصير وانا مابيني وبينهم تواصل ولا احتكاك الا بسيط جدا ومااقدر امنع من الجلوس واللعب مع الأطفال اللي في العمارة لكن ابغا طريقة اتفاهم فيها مع طفلي تكون مناسبة ومايصغر في عينه أحد وانا مبدأي الوسطية وهو لو في شيء مو حابب يسوي ويكون هو الأفضل فأنا احترم رغبته وان كبر أيضا بيكون عنده قناعات سواء يكون ورع وزاهد او وسطي فبيكون اختياره مع الثبات في اساسيات الدين اللي بأسعى انها تنغرس في داخله بحب وسعي لرضا وحب ربنا مو خوف ولا ترهيب وبسبب انفصالي ووالده يعيش في دولة بعيدة عننا فأغلب تربيته علي والحمدلله أمي واخواني بيساعدوني في تربيته وولدي الحمدلله ذكي وأغلب تساؤلاته يجي يستفسر ويسألني عليها وماشاء الله يسعى دايما اني اكون مبسوطة وفرحانهاالحمدلله عشان كذا حابة يكون توجيهي صحيح ومناسب لأني الثقل الأكبر في حيات ولدي وارجوا منكم الرد ع سؤالي بالطريقة المناسبة في التعامل مع تشدد اقاربي ووسطيتي مع احترام وجهات النظر