ما هو الفرق بين التوحد والانطوائية

السلام عليكم ورحمه الله وبركاته سؤالي بخصوص بنتي ما هو الفرق بين التوحد والانطوائية فانا ابنتي عندها سنه و٧ اشهر طبيعيه في كل شئ الحمد لله ولكن نظرا لظروف سفر زوجي منذ ان كان عمرها ٨ اشهر فانا وحدي من اربيها دائما في البيت مش بنخرج الا نادرا لشيئ مهم هي بتقول ٦ كلمات ولما بناديها بتبص عليا بس مش كل مره بنادي بتلتفت لي ان وايضا التواصل البصري بتاعها ضعيف بتبصلي في عيني لو بغنيلها مثلا واحيانا لما بحكي معاها مرة تبص شويه ومرات لا وكذلك الامر مع اهلي او اهل زوجي الي بتشوفهم كل فترة لما بقف بعيد واقول لها هاتي حضن بتيجي جري بين يدي وعارفه ان ده الحضن بس مبتعرفش ترفع ايدها عند رقبتي وتضمني ولما بقولها اعملي باي مره بتعمل ومره لا

من اسبوع كان عندها دور برد ورحت بيها للدكتور لكن فوجئت بأم زوجي بتسال الدكتور هل البنت عندها طيف التوحد الدكتور نادى على اسمها ٣ مرات مره وحدة وسالني اذا كانت بتأشر باصبعها علي حاجه عاوزاها ولا بتاخدك من ايدك قلتله ان انا لسه معلمتهاش لما نحتاج حاجه بعيده نشاور عليها لكن هي لو معاها حاجه عايزاني افتحها بتجبهالي ولو بعيده عنها بتروح عند الشيئ دا وتعيط وانا بفهم لوحدي واكتفي بكده وقال ان عندها توحد

انا قلقت جدا ومش عارفه استوعب ان بنتي عندها توحد وانا ما لحظتش انا ظنيت تفاعلها بطيئ مع الناس نظرا لحرمانها البيئي وان دايما قاعدين في البيت مش بتشوف ناس ودخلت على النت علي اعراض التوحد لقيتهم حوالي ٥ جوانب بنتي معندهاش غير الجانب الاجتماعي وهل دا يكفي ان يشخصها توحد طيب لي ميكونش انطوائيه خاصه ان والدها شخص انطوائي ومعارفه بالناس محدوده سواء في الصداقات او علاقات الشغل بيكتفي بشخص او اتنين الي يجعلهم مقربين له الرجاء الرد علي