صورة علم Saudi Arabia
من ايمان الوعد
منذ سنتان 23 إجابات
0 0 0 0
  • هو ولدي طبيعي كذا؟

    سلام عليكم..الله يعطيكم العافية..و اذا عندكم حل عطوني.. فديتكم

    انا حليمة و عايشة مع بيت اهل زوجي بالدور الثاني و الحمد لله حياتنا كذا و كذا ,اولادي خمسة الله يحفظهم تربيتهم سهلة و ام زوجي شحلوها معانا.. كلبوهم زينين الا واحد فيهم و هو اصغر أولادي.. صدق.. طاغ كبدي منه.. ما ادري شسوي تعبت معه, وما ادري شلون اسوي به.  محمد..يبغى كل شي حقه بروحه و الكلمة كلمته و الشور شورة ,احسه احيانا يبغي يقلد ابوه مع  انه عمره خمس سنين بس و اذا احد عند معاه ولا اهمله  ولا ما صار اللي براسه بينفجر علينا صياح و صراخ لين كل البيت يجتمعو عندنا.. بالهم صاير شيالحرب ..يوم اجتماع العايلة..الصغار يلعبون مع بعض و الشرط اهو القايد..و لازم اهو الفايز و ما يتقبل انه يخسر ابد و يشغل ابوه و عمامه وياه , نحاول معاه بالعقل يبدأ صياح و يصك اذونه بيديه ولا شي يسكته و يروح يبكي بروحه. اذا طلبت منه اي شي يجاوبني :قولي حق اخوي او ينادي لي اخته و يقولها :امي تبغاكي ولا يسوي روحه مو سامعني. فديتكم .. اناخايفة على علاقتي باهل زوجي تخرب علي من ورا كثر هالمشاكل مع اولادنا حتى انا بالبيت بديت اعصب عليهم و هو سبب اساس اي مشكلة.


أسئلة ذات علاقة