يضربني بوحشية وبعد ذلك يطالبني بحقه الشرعي

السلام عليكم انا بعتت مشكلتي وللاسف ماانتشرت وكنت طالبة فيها انو اذا حدا بيقدر يساعدني لاسافر عند اهلي المهم انا ماعم اقدر سافر ولا قادرة اتوصل لحل مع زوجي يلي ما راضي يسفرني هو بحط الحجة المادية لكن من قلبو ما مقتنع يسفرني انا والولاد انا وصلت لحالة اكتفيت من معاملتو يلي كلو انا رضيانة وقبلانة فيه الااااا الضرب والشتائم البشعة لانو ع ابسط شغلة بعصب وضربو بلا وعي انا ماخدة موقف وماعاد بدي نكمل سوى لكن هو بيتصرف عادي ولابحس باي ذنب ولامرة اعتذر او صلح الوضع لهيك انا قرفت وماعرفانة كيف بدي اتصرف معو عم يطالبني بحقو الزوجي لكن انا ما رضيانة ولاعم بقدر لاني كل مابطلع فيه برجع شوف فلم الرعب عم يتكرر قدامي لاشفقة ولا رحمة ولاضمير وبروح يشكي انو انا يلي جنيت قدام اهلو ورفيقو بس هني بيحكو عنو وماعجبن تصرفو بس مابيخكو قدامو عم يطلع عنو حكي وهو ولا الو خبر مفكر ينصفو اذا بيحكيلن كيف بتنصحوني اتعامل معو ورجاءً محد يجي ويقول في نسوان بتستاهل الضرب وهي مستفزة محد بيستاهل هيك تصرف غبي لو شو ماكان السبب وبتمنى اي حدا بدو يعطي رأيو يحط حالو بالموقف