حياتي مع زوجي على مفترق طرق وخائفة من الطلاق

قضايا اسرية
animate

انا بنهار و خايفه من الطلاق و خايفه ابعد عن جوزى .. انا متجوزه عن فصه حب و مشاكل كتير قبل الجواز و جوزى طول ما الدنيا هاديه يكون كويس و اول لما يحصل اي مشكله بدأ يتطاول و يشتم و كل مشكله يقولى انتى مستقويه عليا علشان كاتبلك شيكات و ساكن فى بيتكو مع ان ده كان اتفاق قبل الجواز و مفيش حد ضايقه باى حاجه من الحاجات دى كل مره يحصل مشكله يشتمنى جامد شتايم مش كويسه و بقى كل خناقه يقولى هطلقك هطلق هطلق و هنزلك مصر لاننا كنا فى بلد عربى. لدرجة كان فى الخناق يكلم والدتى يزعق و يعلى صوته و اخر مره قالها هديهالك بالجزمه و اشحنهااك علي مصر. .قال كده باللفظ. و فى العادى كان يكلم امى حلو جدا و يتكلم بشكل كويس لكن لما يتخانق معايا يغلط فيا و يعلى صوته ع الكل و انا بدأت ارد عليه و قولتله انت مش راجل كل مره فى اي مشكله تهدد بالطلاق كأن ربنا شرعها فى ايدك لعبه و كل خناقه تطلق تجرى تعرف اهلى و رغم ان التصرف ده يطلع منى انا او انا طايشه لكن انا مش بطلع اسرار بيتى و كان نفسي اتباهى بيك لكن انت صغرتنى. و هو كان نازل شغل فى مصر و نزلنى قبله بكام يوم و كان طبعا شاتمنى و انا كمان رديت عليه لحد و هو بيوصلنى المطار قالى انا هنزل اطلقك ففكرى فى الطلاق. نزلت عند اهلى و اخويا كلمه قاله هى ماكانتش بتحكيلنا بس لما اعرف انك كل شويه تقولها هطلقك فخلاص طلقها براحتك فقاله انتو مسكتو فى كلمه طلاق و اختك فيها و فيها و فيها و قال عنى كلام حصل و كلام اكتر بكتير ماحصلش و بالظلم. و كل كلامه كان انى وحشه و غلطانه و بقوله مش راجل و ان رصيدى عنده انى وحده على ذمته و بس و من غير ما يحل المشكله بعت يقولى ارجعى عشان تأشيرتك متنتهيش رغم انه فاتح كلام مع اهلى و ماحلوش و انا مارجعتش و قعد يقول انا مش هعيش فى بلدكم انا هعيش فى بلدى. مع ان اقسم بالله من نفسه قبل الحواز حه قال هعيش في بلدكم بس وافقو تجوزوهالي .و قال اخد الشيك. يعنى بيقلب الامور من ان انا زعلانه و عاوزاك تعاملنى باحترام بيقلبه ان هو يفرض شروطه و يفول اخد الشيك و اعيش في بلدى و هي ترجعلى ماقالش كلمه واحده تبين حتى انه باقي على البيت مايتهدش و اخويا قاله انزلى مصر نتكلم قاله مش هعرف انزل دلوقتى و لو عاوزين نتكلم مكالمه فيديو و اخر مكالمه بينه و بين اخويا اخويا قاله اختى كانت جنبى و سمعت الكلام اللى انت قولته و خلاص كده الدنيا صعبه تكملوا مع بعض سكت فى الاول زى ما بكون اتصدم ان فاض بيا و قولت كده و فى الاخر قاله خلاص شوفوا حقوقها ايه و عرفونى. و فى اخر خناقه كمان كل شويه يقولى مش عايز اتعامل مع اهلك ولا امك. فى تفس الوقت عاوز يجيب شقه جنب اهله و بيقول لاخويا انا اهم حاجه عندى دلوقتى خطوبه اخويا و هى عايزه تبعدنى عنهم ولا ايه انا مش فاهمه ايه كل ده. ساعدونى بالله عليكم انا عارفه انى مش هتبسط معاه بس فى نفس الوقت فعلا شايلاله مشاعر و مش عاوزه اتطلق. و يمكن اكون مش عارفه اشرح قوى المشكله و اتكلمت كتير و خلاص. و تفتكروا الموضوع هيخلص علي ايه شكرا بجد و اسفه على الاطاله

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي من الواضح من كلامك انك متعبة وغير سعيدة في حياتك الزوجيه لكنك في نفي الوقت لا تريدين الطلاق. لم تحددي اصل المشكلة؟ ما سبب الخلاف بينكما؟ لماذا تتشاجران ويسمع كل منكما الاخر ما لا يعجبه؟ تكلمي مع زوجك بهدوء وحددا معا مشاكلكما وابحثا في طرق للتواصل بهدوء بينكما لحل مشاكلكم سلميا وانتشال زواجكما من المشاكل، بالتوفيق.
  • صورة علم
    صورة علم
    من مجهول
    الفلوس فعلا بتغير الفلوس. حلي مشكلة الشيكات والشقة الي مخلية زوجك يشعر بالعجز
  • animate

  • صورة علم
    صورة علم
    من مجهول
    لو كنتي بتبعدي العناد عنكم وكنتي بمشاعرك الفياضة الي بتتكلمي فيها دلوقتي خاطبتي جوزك كان احتمال كبير تكسبيه. اي اثنين في وقت الخصام بيقولو كلام كتير ممكن صدق وممكن كذب
  • صورة علم
    صورة علم
    من مجهول
    احيانا العناد بيوصل في الواحد لاكتر من هيك. بس خلي بالك الراجل لما يكره حياته مع الست بيطلقها من غير ما يقول حطلق حطلق. زوجك بيحبك ارجعيله وقوليله انك لسه بتحبيه وانك باقية عليه وان الطلاق لو حيتم يتم باختياره هو مش باختيارك وخلي الكورة في ملعبه وشوفي
  • صورة علم
    صورة علم
    من مجهول
    مهما كان اتفاقكم قبل الزواح فالزوجة تتبع زوجها وتعيش اينما يكون
  • صورة علم
    صورة علم
    من مجهول
    استقلي اقرب طائرة وعودي الى زوجك فورا
  • صورة علم
    صورة علم
    من مجهول
    بالمجمل زوجك رجل جيد ولكن عندما يفقد عقله يصبح رجل مختلف دورك كزوجة تحتويه ولا تثيري المواضيع التى تسبب العصبية
  • صورة علم
    صورة علم
    من مجهول
    شعور زوجك بالدونية وانك متفوقة عليه وعليه شيكات لمصلحتك سبب مشاكلك
  • صورة علم
    صورة علم
    من مجهول
    ما يجوز يهددك بالطلاق على الطالعة والنازلة وتعيشي حياتك بخوف من الطلاق
  • صورة علم
    صورة علم
    من مجهول
    ضرورى تضعي النقاط على الحروف مع زوجتك وتتوصلي لتفاهمات بعلاقتكم الزوجية

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟