زوجي مريض نفسياً ويرفض العلاج، هل أستمر معه أم لا؟

قضايا اسرية
animate

انا زوجي عنده عده امراض نفسيه وليس مرض واحد وطبعا لم يخبرني باي شيء الا انه كان متزوج قبلي وعنده اولاد وطبعا العادي بتاع الرجال في هذا الموقف ان يقول انه المظلوم وان زوجته هي من كانت شيطانه ولا تطاق لدرجه انه يتمني لها الموت وطبعا تزوجنا سريعا لاحظت عليه بعض التصرفات الغريبه لكن لم يكن عندي اي درايه بالامراض النفسيه فكنت عندما اساله عن هذه التصرفات يرد ردود يعني اللي خلاني ما اقلقش قوي انه كان مهندس وكان من اواءل الثانويه العامه فازاي بقي يبقي عنده حاجه نفسيه تاثر علي عقله وافكاره وتصرفاته وده مان جهل مني والان زواجنا مر عليه 12 عام طلقني فيهم اربع مرات وحكي لزميله في الشغل عني حاجات خاصه لا تقال زميله اعجب بيه و ولفيتهم داخلين عليه همه الاتنين بالماذون عشان يطلقني وزميله شاهد فانا رفضت ومشيتهم تاني يوم زميله جاني يقولي بيدور علي جوازه غيرك مش عايزك انا بقي عايزك ومش هاسيبك انتي نعمه وهو بيرميها وانا اللي هاحافظ عليها قالي هو حكالي كذا كذا كذا وانا كنت منتقبه يعني ماشافنيش واللي قاله كمان خاص قوي وجوزي مربي دقنه وزميله كمان مربي دقنه عشان كده وثق فيه وحكي له طب اما انت ماكنتش امين عليه صاحبك اللي هيبقي امين وصبعا كان صاخبه ده بيسلطه عليه واما قلت له اللي حصل من صاحبه اتاسف وزعل واعتذر وفجاه لقيته بيموت فيه ومايقدرش يعيش من غيري وعشان انا باتقي الله فيه وعندنا اولاد اقول غصب عنه واجيب له الاعذار والف بيه علي الشيوخ ودار الافتاء والدكاتره النفسيين ياخد علاج يوم وسنه وطبعا كتير تعدي عليه ضرب وعض وخنق وفضايح وبعدين طفش واتجوز تالت في بلد تالته اصله بيتجوز كل واحده من محافظه مختلفه عن التانيه بيحب يغير جو بقي وعلقني لا طلق ولا صرف علينا ورفعت القضايا اللازمه واستلفت وصرفت عليها ماكملش شهرين في الجوازه كان هيموتها ضرب وغيره فهي قامت عليه بسكينه وجابت له اهلها اصله بيقول اتجوزها منتقبه فمالحقش ياخد باله من شكلها اما شافها واما اتجوزها شكلها ماعجبوش سبحان الله ماكان عندك الاحلي واتبطرت ورجع تاني يعيط لي علي الباب ويترجي ويتاسف ويتخايل ويتعلل بالمرض وانه هلاص هيتعالج وانه عرف قيمتي وطلقها وانا من خيبتي صدقت وتنازلت عن القضايا واديني مكمله ضرب وعض وخنق وبهدله وفضايح ولا بيرضي يتعالج ولا بيتقي الله واساسا هو مابيسبش المصحف من ايده والصلاه في مواعيدها وحاجج مرتين ومابيسلمش علي ستات وبيغض البصر وكل ده خلاني اعتقد انه متدين وهيراعي ربنا فيه لكن وللاسف دي نقره ودي نقره لدرجه انه قالي لا انا مربي دقني عشان اما باحلق بيجيني حساسيه وحبوب فممكن قوي نكون خارجين مشوار يروح ضاربني وشاتمني ومزعق ادام الناس وكان لاول مره انا والناس نشوف ملتحي بيعمل كده في زوجته المنتقبه وام عياله في الشارع واما لقيت مافيهوش فايده مابقيتش اخرج معاه وكمان قلعت النقاب حتي لا نسيء لديننا بمظهرنا و التصرفات المتناقضه وكان بخيل كمان لدرجه ان بنتنا الصغيره ماتت نتيجه بخله حسبنا الله ونعم الوكيل سور البلاكونات واطي جدا ومتكمل بحديد لحد الطول العادي فالاطفال بتطلع تقف علي السور الواطي برجلها وتمسك في الخديد وتبص فممكن تقع قلت له قفل البلاكونه بالحديد امان للاولاد ومن الحراميه خصوصا ده الدور الاهير والبلاكونه مالهاش سقف اي حد ممكن ينزل لنا من السطوح جوه البلاكونه يلاقي الابواب بايظه هيدهلنا بمنتهي السهوله يرفض بحجه انه سكن ايجار فمش هيدفع فيه ومش هيعمل سايب كل ابواب البلاكونات بايظه مايصلحهاش حتي باب الشقه ومكتفي بترباس فوووق خالص يقفل بيه ابواب البلاكونات طب انت طويل انا قصيره لازم كرسي فالكراسي كلها بايظه دي من جوازتي الاولي وباظت واتصلحت 100 مره وبتتمرجح اخاف اطلع عليها اقع اتكسر ويسيبني مكسره ويطفش يشوف جوازه رابعه ولا خامسه فضلت سنيين كتير قوي اغامر واطلع علي الكراسي البايظه اقفل الترابيس الكرسي يتمرجح يخبط في الزجاج ممكن اتشرح واتكسر اقوله هاتلي سلم صغير يقولي لا ماعييش فلوس صلح الابواب يطنش يعني ماعكش فلوس لكده ومعاك تجري في البلاد تلف علي الستات اخر ماتعبت بقيت اقفل الشيش وازنق الزجاج بكراسي كتير بس اتشعبط قبل ما انام واقفل الترباس و في يوم في الفجر البنت الصغيره كانت نايمه واحنا صاحيين كنت فاتحه الشيش من الحر وقافله الزجاج وزانقاه بكراسي وهي صحيت وكانت بتاكل وبتتفرج علي كارتون وفي دقيقه دخلت جوه اجيب حاجه لقيت الباب بيخبط بنتك وقعت من البلاكونه وراحت البنت ويقول انا ماليش دعوه انا مش السبب ده عمرها مش خاسس باي تقصير او ذنب اللي اما حملت فيها رغم اني باخد وسيله واول ما عرف سابنا وطفش واتجوز وقالي مش عايز عيال نزليها ماكانش عايزها ووراني وانا حامل فيها اسود ايام حياتي وضربني عشان تسقط ومن كتر الحزن كنت اما ابكي احس ان قلبي اللي بيبكي وكنت هاتجنن بعدها وجاني صدمه واضطراب مابعد الصدمه انما هو عادي بكي يومها وخلاص انا اللي لسه تعبانه والله المستعان انا بقي اللي مصبرني علي غلبي الاجر من الله ثم ظروف اخري ان ده الزواج الثاني لي والناس لا ترحم ماتعرفش انه كده ولا ان اللي قبله كمان كان من اسوا الناس ولان في اولاد وهو مرر عيشه ابني الاول اللي من زواجي الاول وعيشتي لاني لا اتركه يظلمه لسه هاتلطم بقي بباقي الاولاد ماعنديش عمل وماينفعش اعمل ومافيش سكن عايشين ايجار اما طفش قبل كده ماصرفش وكمان قالي امشي من الشقه مش دافع و طبعا مافيش حد يشيلني باولادي والقانون في بلدنا مابيغتش متضايق ولا حول ولا قوه الا بالله العلي العظيم و الله المستعان و الحمد لله وفي يوم حسيت بكلاكيع بصدري والطبيب قال لازم تدخل وخفت ليكون والعياذ بالله سرطان ثدي وأنهارت واعصابي تعبت خوفا علي اولادي الاول يتيم والتانيين والدهم مريض نفسي وعقله مش طبيعي هيعملوا ايه لقيته هو بيعاملني اسوأ معامله وبيعاملني كخادمه طلبات وإماره ومش عاجبه حاجه وشتمني متير في البيت و في الشارع واحنا رايحين نعمل الماموجرام وبصوت عالي زعلان لانه هيدفع انا خايفه عليه وعلي الاولاد وزعلانه علينا وهو يقولي لا انا ازعل علي فلوسي اللي هتدفع وفضل يقولي باعمل فيكي خير وباعالجك وباصرف يارب تموتي دعا عليه كتير قوي بالموت وغيره ومن رحمه ربنا لقيت دكتوره الاشعه بتقولي لا ده كدمه قويه قوي انتي ايه ده خبطتك عربيه وطلع المرار اللي كنت فيه ده بسبب ضربه لي الوحشي طلع هو السبب واما كان فاكر انه مرض شفت عاملني ازاي وقبلها بسنه احتجت عمليه غده درقيه ماكانش عايز يدفعها لي والاخر دفع بالعافيه وهو مستخسريقولي اعملها لم ليه وانا هاسيبك عملتها من سبع سنيين ورجعت تاتي عرفت ان الخسره والهم والمشاكل بيعملوا اضطراب في غدد الجسم كلها ودي غده منهم يعني بسبب غمه ياااه ياما قالي هاسيبك كان يقولي اما ييجي اول الشهر هاسيبك وساعات اما ييجي اخر الشهر هاسيبك وساعات عامل ايلاء والطبيب النفسي بيكتب علاجات ومابياخدهاش ويقولي انا مش مجنون انتي اللي مجنونه انتي عايزه دكتور عشان تحجري عليه مش كده الطبيب قال الحاله هتسوء اما يوقف العلاج انما مش هيتحسن بالعلاج هيقف عند مرحلته دي ومرحلته دي زفت هو مرضه مابيظهرش بالتعامل العادي للناس اللي بيعاملوه بره البيت لانه تعامل خفيف انما في البيت ماساه سالت الطبيب في ذلك قالي اه هو مرضه كده علي اهل بيته طلبت انا بقي الطلاق بقي بيرفض لا اشعر معه باي امان واي لحظه بيغدر ويخون والمتغطي بيه عريان كبرت بقي عمري 45 و3 اولاد من ابوين مختلفين وبلا عمل بماذا تنصحوني ماذا افعل استمر معاه ام لا انا فعلا تعبت طب لو لا اعمل ايه

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي سيدتي، الله لا يكلف نفسا الا وسعها فكيف تكلفين نفسك كل هذا! لا يمكنك الاستمرار على هذا الحال، الجئي الى اهله واهلك ليقنعوه بالعلاج وبتغيير تصرفاته حالا، لا تقبلي بالضرب والاهانة وكل ما ذكرت، استعيني بالاهل وان لم يفد ذلك طالبي بحقوقك بالقانون والجئي لجمعية خيرية تدعمك وتدبر لك دخلا وعملا لتعيشي بسلام وطمأنينة، يكفيك ما خسرت حتى الان.
  • صورة علم Saudi Arabia
    صورة علم Saudi Arabia
    من مجهول

    ياختي مش عارف انت ايش مصبرك على دا كل دي السنين  ليه ماتطلقت منه من الاول واهلك فين من كل دا اللي انت فيه   العياذبالله ده شخص مايعرفش ربنا ولادين ولاخلاق ولارجولة عنده  تطلقي منه فورا حتى لو عن طريق المحكمة دام انه بالشكل دامريض نفسي ويعاملك بتلك الوحشية والقساوة.  وربنا بيعوضك ياست البناتبخير منه ان شاءالله  وراح يبارك لك في ولادك ويسعدكم في هدة الحياة

  • animate

  • صورة علم
    صورة علم
    من مجهول
    استكشفي مناطق التحسس عنده ومن خلالها اقنعيه بزيارة طبيب نفسي ، ان لم يقبل الذهاب للعلاج ، فصارحيه بعدم رغبتك للعيش مع انسان مريض نفسي لايريد ان يتعالج ويستمر بأذية نفسه ومن حوله ، ولامانع من الخلع ان لم يستجيب مادمت لست بحاجه اليه ، لا شي يستحق ان يسلب سعادتك وراحتك في الحياه .
  • صورة علم
    صورة علم
    من مجهول
    إما الطلاق، وعليك تحمل تبعاته ونتائجه.. وإما الصبر والدعاء والاستعانة بالله، ولكي تكوني مستجابة الدعوة بادري بإصلاح نفسك أولاً، وإن كنت تحسين بأنه لا يحبك فاعلمي أنَّ قلبه بين إصبعين من أصابع الرحمن، فادعي الله أن يلين قلبه لك، وتوددي له بالكلمة الطيبة وراجعي نفسك في العلاقة الخاصة بينكما، فقد يكون جزء من المشكلة أنه لا يتحقق له الإشباع الجنسي منك بما شرع الله، فاحرصي على إرضائه.
  • صورة علم
    صورة علم
    من مجهول
    تفكري في حكمة الله في ذلك، فقد يكون وجودك في حياته سبباً لهدايته بدعائك وصبرك، وقد يكون وجوده في حياتك امتحانا لثباتك في الدين والرضا بالقضاء والقدر
  • صورة علم
    صورة علم
    من مجهول
    علاج زوجك هو الحل .. شاء ام أبى لازم يتعالج والا حالته حتزيد وانتي المتضررة الاولى من تعامله .. حاولي معه
  • صورة علم
    صورة علم
    من مجهول
    أول خطوة لازم تعمليها انك تقنعيه باهمية العلاج حتي يصير احسن وتقدري تتكلمي معه

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟