أتمنى أن أسمع كلام الغزل من فم زوجي

قضايا اسرية
أتمنى أن أسمع كلام الغزل من فم زوجي

السلام عليكم، مشكلتي مع زوجي النسونجي، صارلنا متزوجين 6 سنين و عنا ولدين . و انا كل فترة بكتشف انو بيحكي ع الفيس مع بنات اشكال ألوان، و محادثات بذيئة و مع نسوان عزابيّات و اشي متزوجات. و بنات كان يعرفهم قبل ما نتزوج، لساتو بيحكي معهم غير الصور اللي ببعتوهن لإله، صورن و هنن مشلحات ( اشي مقرف)... حاولت اكتر من مرة احكي معه بالموضوع، و يضل ينكر انو ما إله ع هيك سوالف، و يطلع علي بالصوت العالي و يحكيلي انتي معك مرض الشك ( ما بيِعرف انو عندي أدلة بتثبت كلامي ) . و دخّلت دار حماي بالموضوع، و ما عجبهم طبعا و بهدلوه و وقفو معي أنا.. بس للأسف بضل يرجع لنفس العادة. و انا كل ما اجيب سيرة وحدة عنده ع الفيس ليش ضايفها؟ و ليش بتحكي معها؟ بصير يجاوبني زميلتي بالشغل ع اساس انو ممرض، و الممرضات اللي بشوفهم كتير غير المرضى .. انا مو ضد الزمالة، بس ضد الكلام الوسخ اللي بصير بين الزملاء.. و بالآخر بصير يحكيلي روحي احكي معهم للهلبنات و شوفي شو بدهم مني ، هم اللي بحكو معي و انا ما بعبرهم، و انتي شكاكة كتير( بس أنا إلي بزوجي، هو اللازم يبطل هدول الشغلات و بنتهي الموضوع) مع انو عندي محادثات و صور لو يشوفوهم اهاليهم و أزواجهم للبنات، ليصير جرائم قتل و حالات طلاق و فضايح... و الله قلبي ما بطاوعني افضح حدا، بس انا قلبي انكسر كسر لن يجبر بسبب هالموضوع، و اخر مرة حكيتلو... اختار : يا أنا و اولادك ، يا أما البنات الوسخين !! بس سمع هيك، صار يحكيلي انتي مرتي و ما بتخلى عنك و ما ببدلك بحدا و بحبك كتير و من هاد الكلام... و طبعا بعد فترة رجع لنفس العادة... و انا حاليا محتارة ايش اعمل، لأنو خلص طفح فيي الكيل. بفكر اقعد معو اخر قعدة و احكي معو بالموضوع و افرجيه كل الأدلة اللي معي ( ما بيعرف انو عندي أدلة) ... او اني احكي مع كل بنت منهم و افرجيها كمان اثباتات من محادثاتها و صورها ( بس للتخويف، مش قصدي افضحها بين اهلها و ناسها) .. او اني اتجاهل الموضوع و كأن شيء لم يكن ( بس صعب اقدر اشوف بعيني و أتجاهل).. مع العلم انا مش مقصرة معو بأي اشي، كل شي بده اياه بصير... و ما بنقصني جمال و بنت حسب و نسب، بلبس و بتزَوَق و بتعطر، و برقصله و بعمله مساج و بحلقله لحيته ( يعني مدللته آخر دلال ) و عمل المستحيل لحتى يتزوجني.. و قفت معو بكل ديقة هو مرّ فيها. بستغرب ليش هيك بيعمل معي، فالمقابل هو مش مقصر بمصروف البيت .. بس مقصر معي عاطفيا كتيييييير.. بشتهي اسمع منه الكلمة الحلوة.. بس مع باقي البنات بصير روميو !!! ساعدوني !!

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي لا تواجهيه أكثر من ذلك وحافظي على نسبه من الاحترام و اتركه له الفرصة أن يترك هذه العادة السيئة بعد أن واجهته. قربي أطفالك منه ، فهم في سن ممتعه الآن ويستطيعان شغل والدهما بحركاتهما وحديثهما الممتع والبريء . حاولي بطريقه غير مباشره أن تشغليه ببرنامج ما أثناء تواجده في البيت ،مثل سهره رومانسية، مشاهده برنامج معا، دعوه لبعض الأصدقاء .
  • المدربة جينيا الصباغ اهلا بك سيدتي ، كان الله بعونك على ما تتحمليه وتساهديه من زوجك فليس سهلا ان تري خيانته لك ولكن مواجهتك للفتيات لن تجدي نفعا بل ستحدث مشاكل انتم في غنى عنها انت مشكلتك مع زوجك وليس مع الفتيات لذا ربما مواجهته هو أفضل ولكن عليك ان تفكري هل مواجهته ستحدث فرقا وهل ستصلي معه الى حل سيدتي واجهيه ولكن لا تهدديه لانه زوجك دعيه يفهم انك لم تعودي قادرة على تحمل ذلك وان هذا لم يعد الامر قابلا للتفاوض وعليه ان يتوقف عن هذه الامور من اجل عائلته وأجلك كان الله معك
  • animate

  • صورة علم Lebanon
    صورة علم Lebanon
    من مجهول
    ما تنزلي مستواكي وتحكي البنات اوعى و الزلمي النسونجي صعب كتير يتغير بدك تبطلي تهتمي في و خليكي اهتمي بجمالك و خلي يحس انو عم يخسرك وانا برايي تواجهي الو واذا ما في نتيجة اطلبي منو الطلاق لان كل انثى حقا تعيش بكرامة و حقا بالاحترام والدلال والحياة عم نعيشا مرة وحدة
  • صورة علم Kuwait
    صورة علم Kuwait
    من مجهول
    حاولى تعملى معاه زى اللى بره ...لبس وزينه ونظافه بيت وكلام حلو واوضاع ممتعه ورقص ونكت وفرفشه واغراء وتعملى كل حاجه وتروقيه بالفتحات الثلاثه اللى عندك هيبقى زى الفل
  • صورة علم Saudi Arabia
    صورة علم Saudi Arabia
    من مجهول
    بطلي دلع فيه وتجاهليه شوية اهتمي بنفسك لنفسك عشان ما يشوف حاله عليكي خليه يحس ان خسر شئ مهم نتيجة افعاله
  • صورة علم Saudi Arabia
    صورة علم Saudi Arabia
    من مجهول
    الحل الأمثل بعد كل إلي عملتيه ترفعي عليه قضية طلاق وخلي الأدلة معاكي وهي السبب الرئيسي للطلاق !!الزواج مودة ورحمة وإعفاف وهو مقصر بأهم جانب ما اضيعي حياتك مع واحد شايفك ومش عاملك أي اعتبار خليه يحس إنه خسرك ولو حاول يرجعلك أمني حالك منه بمبلغ في البنك او بيت بإسمك خليه يتعلم ويتأدب وسيبك من الي بحكيلك اصبري ما في شي خلا الرجال يصيروا بلا أخلاق إلا سكوت الست على أخطاءه يعني ببساطة لو الوضع كان معكوس لسمعتي الكل بحكي بالشرف الغالي وطلقها واتزوج واحدة تصون بيتك وانت نفس الشي إتركيه وربنا ما رح يتركك وان شاء الله بعوضك برجال يحترمك ويعرف قيمتك
  • صورة علم Saudi Arabia
    صورة علم Saudi Arabia
    من مجهول
    اه احكي مع البنات و خوفيهم ولا تحكي معه ولا تواجهي
  • صورة علم Jordan
    صورة علم Jordan
    من مجهول
    هو سبحان الله يا زلمه ما يتجوز مرته اشوف احلى وحده في الدنيا بس بعد ما يشوف اول ولد لها منه منها بصير اشوفك ابشع وحده في الدنيا هسه كل الكلام الي حكيتيه معك حق فيه الحل الوحيد وشخص يكون نسوانجي وهو والله العظيم ما له حل والله ما لك مالك حل غير تدعي رب العالمين فقط لا غير
  • صورة علم Saudi Arabia
    صورة علم Saudi Arabia
    من مجهول
    لا تعلميه بالادله حتى لا تصير مشكله اكبر وحتى لا يقطع عليك الطريق يغير الباسورد او يغير الطريقه ما تعرفي بعدها ايش يصير خليه ما يعرف عشان تراقبي هذا اولا ثانيا هددي البنات اللي معه بالفضيحه اذا بطلوا كويس ما بطلوا افضحي الكل وخلي الكل يعيش الالم والحسره لا تعيشها لوحدك وكل واحد راح يعيش مره
  • صورة علم Iraq
    صورة علم Iraq
    من مجهول
    تجاهليه واهمليه وهو راح يحس تجاهليه ككيان وعامليه ببرود واذا سألك تحبيني لاتردي عليه،،،، وقته راح يشعر ويرجعلك
  • صورة علم Iraq
    صورة علم Iraq
    من مجهول
    اذا بدك رايي اتجاهلي الموضوع ولا تكشفي اوراقك كلها هيدا كلو سخافات صدقيني بتنتهي مع الوقت ولا حتى تحكي مع هالبنات او تتواصلي معهن لانو هيك زوجك حيعند اكتر وبيخافوا هدول بيتعرف على غيرن يعني ما استفدتي شي حاولي تضبي بيتك وعيلتك وولادك وحاولي تتفاهمي معو برواق ومع الوقت ان شاء لله بتتحسن اموركم ... تمنياتي الك براحة البال والسعادة ....
  • صورة علم United Arab Emirates
    صورة علم United Arab Emirates
    من مجهول
    انت انسانيه واعيه ، وهو تايه مع نفسه ولا يعلم ماذا يريد ، لا تهدمي بيتك بيدك ، استمري بالنصح والتلميحات أنك تعلمي كل شى وهذا لا يرضى الله .... والدعاء له بالهدايه من ستر مسلما ستره الله بالدنيا والآخرة.
  • صورة علم Saudi Arabia
    صورة علم Saudi Arabia
    من مجهول
    كل الي بتعمليه له اتركيه لا تدلعينه ابد خليه يجرب الفرق بلحياه حتى بلغرفه انتى بغرفه وهو بغرفه ايش مستفيده من تدليعه ولا شي ماشي بسكه شمال خليها تنفعه حتى يتأدب الكلام مينفع وانتي متوفره له بكل وقت
  • صورة علم Iraq
    صورة علم Iraq
    من مجهول
    نفس مشكلتي بس حاليا وبعد مرور العمر صرت مااهتم اله بس لاولادي اللي هم حياتي وهو ولامعبرته ولااهتم اله حرامات العمر اللي خلصته مقهورة عليه راح شبابي واني انتضره يتغير ومتغير ولاراح يتغير ايسي ميتغير ابد لو يصير عمره ستين سنة يبقى يمثل دور الدنجوان على البنات وهو اللي ميكبر
  • صورة علم Lebanon
    صورة علم Lebanon
    من مجهول
    صار وعم يصير في مرة كان نواي يلتقي ببنت عرفت اسما وجبت رقما طبعا من هاتفو واجهتا وبعدين خبرتا البنت كرامة امك وبيك لا تحطي راسن بالوحل كرمال نزوة وطلبت السامح وهي كانت... انا عندي نفس لانتي عندك ياه وعا اصعب وكمان مش عارفي شو اعمل
  • صورة علم United Arab Emirates
    صورة علم United Arab Emirates
    من مجهول
    أرجو منكى أيضا الدعاء كثيرا و بإلحاح شديد. لله عز و جل بالهداية لزوجك و للبنات الي بيحكو معه. الدعاء لله خير من مليون حيلة. و ربنا يهديه و يصلح حاله
  • صورة علم United Arab Emirates
    صورة علم United Arab Emirates
    من مجهول
    هذا الشي الي فكرتي فيه عين العقا. صورى المحادثات من ورا و صور البنات. و ابعتيهم للبنات الي بيحكوا معو. و هدديهم انك هتنشرى كل الصور الفيس بوك و تفضحيهم. بمكن يكون هناك هدا رادع لهم. و كل واحدة تتأدب و تلم نفسها و تعرف ان الله حق. و حرام الي بيعملوه. صدقيني. اتوكلي على الله و في نيتك حماية زوجك. و قولي انك لو بعدتي عن زوجى مش راح اعمل شي. و أياكي مهما صار بعدين تحاولي تفضحى اي واحدة فيهم. استرى عليهم عشان ربنا يستر عليكي. بس فقط تهديد
  • صورة علم Jordan
    صورة علم Jordan
    من مجهول
    ادعِ اله بالهداية ...وربك كريم
  • صورة علم Lebanon
    صورة علم Lebanon
    من مجهول
    والله النسونجي نسونجي بضل وما بيتغير وما بيشبع وغالبا ما يحب الحرام الحلال طايلو بسهوله بس بلاقي متعتو بالحرام يالطيف عملي اللي بدك ياه ما بلومك
  • صورة علم Jordan
    صورة علم Jordan
    من مجهول
    نيالوو فيك هذا الي مابيعرف النعمة الا لمى يفقدها

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟