كيف اتعامل مع اهلي وأهل زوجي اللذين يكرهونني؟

السلام عليكم جميعا لاول مرة افكر بطرح مشاكل لى على الانترنت لكنى يئست لا احد لى غير الله انا متزوجة من ٥ سنوات وابى وامى متوفيين ومكنتش مرتاحة مع اخوتى لان حياتهم كلها عنف وكل واحد فيهم مراته ليها كلمة عليه وبيضايقونى فانا تجاهلتهم وبعدت قدر المستطاع بعد الزواج لا احد يسأل عنى منهم خمس سنوات مرتين فقط اتصلو عليا المهم هو انى اخاف من قطع صلة الرحم لكنى ليس بيدى فاخى الكبير فعل مشكلة مع حماتى وعلى اساسه حماتى حلفت مايشوف ابنى ابداااا والا ستغضب على زوجى وانا عملت اللى عليا وقلتلهم اخى غلطان ولكن قطع صلة الرحم حرام قالولى انتى حرة مع اخوكى روحيلو لوحدك لكن ابننا ميشوفوش ولا حتى بصورة وزوجى قالى لى الذنب احنا اللى هنشيله وانا حر فى ابنى ومش هزعل امى وانتى عارفة اخوكى مش كويس معاكى اصلا واهان امى فانا سكت ورضيت ولكنى اخاف الله واخاف قطع صلة الرحم مع انى لم ارضي بتصرفات اخى اطلاقا ولم اقدر على العبش معه قبل الزواج لانى اراه مثل الوحش ولكنه بالنهاية اخى . من ناحية اخري اهل زوجى ابوه واخوته يتجاهلونى ويتعاملون معى بطريقة جافة ولا يرغبون بالاختلاط معى نهائى اخر موقف اخت زوجى تزوجت قبلى بسنة ولكنها لم تنجب وانا انجبت ابنى قبلها بعدها انا كنت ابعث صور ابنى لها وتركته معها ليلة كاملة وهو عمره ٨ شهور يبات معاها مراعاة لمشاعرها وفرحت كثيرا وحماتى فى ذلك الوقت قالت لى انا فرحت جدا ربنا يباركلك الان ربنا رزقها بتؤام ولكنهم بعتوا صور لزوجى فقط وكل ما اتصل بحماتى عشان تشوف ابنى تقفل الكاميرا عندها عشان ماشوفش الاطفال ولما زوجى يكون موجود تفتحله هو الكاميرا فقط ولابنى يقولون له شوف ابن عمتك وبنت عمتك وانا اول مامسك التليفون الكاميرا تتقفل ماذا افعل انا قلبي موجوع من ناحية اخوتى الذين خذلونى واهل زوجى الذين يتعاملون معى بطريقة جافة رغم معاملتى الحسنة اما زوجى فهو الحمدلله كويس معى ولكنه لا يريد غضب امه واخوته منه فيقول لى متحطيش فى دماغك ومتفكريش ومتاخديهاش تحدى ومطلوب منك تتعاملى بالاصول وخلاص فكيف وهم يتعاملون هكذا معى . اسفة على الاطالة افيدونى افادكم الله .