أتعذب وأموت ألف مرة عندما ترى ابنتي الحزن بعيوني

السلام عليكم.. انا مشكلتي طويلة وأتمنى تسمعوني وتنصحوني لعل القى قلب يساعدني ولو بدعوة.. كنت فتاة مجتهدة في المدرسة وكل سنة لازم اكون من المتفوقات بكل مرحلة دراسية تعبت في دراستي وسهرت الليالي ووصلت لآخر مرحلة في الثانوي تقدم لخطبتي شخص قريبي وكان هو نفسه خطيبي منذ الصغر يعني عندنا بالعامية كانوا اهله حاجزينه لي المهم اهلي رفضوه وقالوا ماينفعلك احنا ادرى بمصلحتك وانا كنت احبه وتعبت من هالموضوع ودخلت في دوامة وكرهت الحياة اكثر لما عرفت انه تزوج وسودت بعيني الدنيا كان هو الأمان اللي افكر فيه بالرغم ماصار بيننا ولا شي بس كبرت وكبر حبه معي منذ صغري ودخلت الجامعة وواصلت تفوقي ودعيت ربي يعرضني خير ويرزقني بواحد احسن منه ولما وصلت لآخر مرحلة في الجامعة تقدم لي شخص قريب لي من بعيد امي كانت موافقة عليه بشدة وابي كان يرفض وتركوا القرار لي بس امي ضغطت علي وكأنها تغضبني المهم وافقت عشان ارضيها وكنت كل يوم استخير لين يوم الزواج وانا استخير وتم الزواج وبدات معاناتي الحقيقية زوجي كرهني في حياتي معيشني في رعب وخوف مااحس معه بالامان هو كثير يشتمني وباول يوم زواج مد ايده علي ودايم يهددني بالطلاق عنيف معي جدا وكلامه بذئ جدا (يقولي ادعس عليك انتي وابوك) طبعا هذا ولا شي بالنسبة للي اسمعه يوميا وشبه قاطع للصلاة انا لي معاه ست سنوات وعندي بنت طبعا انا سويت اغلب الحلول بحثت وسألت وحاولت ودخلت اهلي واهله لدرجة ملوا وتعبوا من المشاكل اكثر من مرة اروح لاهلي بلا رجعة بس اهلي قالوا ماراح نتحمل بنتك وانا بنتي عيني اللي اشوف فيها طبعا هي تشوف ابوها كيف يعاملني صار فيها عقدة نفسية حتى كلامها صار فيه تأتأة انا خايفة عليها كثير اكره زوجي اكره وأتمنى يموت كرهني حياتي وحرمني من الوظيفة كنت وردة في بيت اهلي وصرت ورقة محروقة حطم كل أحلامي يلعني ويسبني انا تعبت معاه واسأل ربي ليه حياتي كذا ليه أموري متعسرة ليه كل مانويت افرح يجي شي ينغص علي حياتي انا وش سويت في دنيتي عشان اعيش هذي البهذلة وفوق هذا فقير والفقر مو عيب بس هو اللي مايداوم وعديم مسؤولية تعود يتسلف من الناس وكله ديون واهله تخلوا عنه ياناس انا تعبت معاه فجأة يدخل علينا البيت ويكسر اي شي قدّامه ويمسكني من شعري بدون سبب ويرميني ع الارض ياربي انا تعبت انا ماابي سفرات ولا مطاعم ولا ذهب أتمنى حياة هادئة مستقرة أتمنى راحة بال أتمنى قلب يحسسني بالامان.. انا الحمدلله مواظبة على صلاتي وأذكاري والوتر وقراءة القران والحمدلله.. بس ليش حياتي متعسرة مافي مكان اروحله ولا احس بالامان في هذي الدنيا وهمي الوحيد هو بنتي هي عمرها ٤ سنوات شافتني اليوم ابكي غصبا عني مسحت دموعي وتقولي بابا ضربك؟ ااااه ياربي انا حزينة جدا ان بنتي تشوفني ضعيفة بس انا لا حول لي ولا قوة انا من بلد غير بلد زوجي ولو اتطلق بنحرم من بنتي وهي حياتي وكل شي ليش يصير فيني كذا لييش انا وش سويت بدنيتي عشان أتعذب كنت ادعيله بالهداية بس صرت ادعي عليه بالموت اكرهه اكرهه اكرهه