أشعر أنه يحرض أبي علي

السلام عليكم عمري ٢٠ وعمر زوجي ٢٨بدايه مشكلتي انا لي سنتين متزوجه تزوجت من ولد خالتي وكانت الموافقه عليه يعني مو غصب ولا احد جبرني بس انا قلت بوافق عشان اهلي وعشان وعشان وخفت تصير مشاكل اذا ماوافقت وقلت بوافق يمكن بحبه وحياتي تكون معه كويسه معنني مااقتنعت وتوكلت على الله ووافقت وكل شي صار بسرعه وكأنهم ماصدقو اني انخطب من الفرحه وكل يوم اقول اني مابيه بس ماتجي الفرصه ومرت الايام لين تزوجنا بس بدايه الزواج كانت مقبوله يعني مو جميله بعدين من ثاني شهر بدت المشاكل انه ينافخ وكانه يعيد تربيتي ويعاملني كني طفله بس عادي كنت اتحمل ومره من الايام اكتشفت انه ضايف عنده اشباه الرجال ف الانستقرام وزعلت ورحت بيت اهلي وغصبوني اني ارجع ورحنا عند شيخ يحسبون فيه عين وكل شي بس انا خلاص ماكنت متقبلته كزوج ولا عمري اعتبرته زوج ورجعوني غصب ويوم وحياتي عايشتها غصب ماقدر اقعد ف المكان اللي هو فيه وخلاص مابيه مابيه اهلي مايبون يستوعبون ادري الاهل مايبون بنتهم مطلقه بس هم مايحسون باللي احس فيه وغير كذا مايشبعني فالعلاقه الجنسيه همه نفسه ويقوم ولا يمسكني بالشهور يعني سنه كامله مامسكني او اكثر وانا استحي اني اقوله ليه ماتمسكني وعشت فمشاكل وكل ماصارت مشكله بينا دق على ابوي على طول وكني بزر مايجي يناقشني ويقول ليه سويتي كذا مباشره يدق على ابوي وابوي يهاوشني وحسيته يحرش ابوي علي ويبيه يكرهني المهم وكانت اخر مشكله في رمضان راحت علي نومه وماطبخت السحور وسوا سالفه ووداني بيت اهلي وحلفت معد ارجع ووودوني عند شيخ مره ثانيه يقولون فيك عين فيك وفيك بس مافيني شي والله مايفهمون انها مشكله نفسيه انا عفته ماقدر اعيش معه مدري عشان فرق السن بينا لا وبعد نسيت اقولك ووقت النوم ع الفراش تطلع منه رائحه كريهه ماقدر اني انام جمبه واضطر انيً اطلع وانام براا الغرفه ويشتكي عن خالاتي وامي وابوي اني ماانام معه على الفراش حتى لو تعدل حتى لو سوا اي شي انا عفته مابيه ابي اطلقً منه اهلي رافضين ويحسبوني ميته عليه بس فيه سحر او عين وغصب ارجعله والله مايحسون باللي انا احس فيه كتمه وضيقه صدر اذا قعدت معه.