تزوجها بحجة شعوره بالذنب

انا متزوجة من ١٢ عام واحب زوجى جدا وهو كمان لكن بينا خلافات كتيرة من زمان المشكلة انه عنده مشاكل نفسيه بسبب علاقته بوالدته لانها بتفرق بينه وبين اخواته وعقد كتير فأصبح عنيف وكل ما يحصل بينا خلاف وميعرفش يحله يضربنى وخدت موقف كتير وطلبت الطلاق اكتر من مرة وسيبت البيت لكن بنرجع لاننا بنحب بعض ويفضل كويس فترة وترجع المشاكل وهو عامة انسان كويس وطيب لكن عنده عقدة نقص بيحسها ناحيتي لان بقدر احل مشاكل وناجحة فى شغلى والناس بتحسده عليا واولهم اخوه وده طبعا بيجننه فدائما بيحب يقل منى ويؤذينى ويتجاهلنى ويحسسنى أنى ولا حاجة وعلى فكره عمره ما كان ليه علاقات قبلى وكان بيرفضها علشان بيخاف ربنا لكن من٥ سنين لاحظت انه بقى يتساهل فى علاقته مع البنات اللى فى الشغل وهم مستواهم التعليمى والاجتماعى والمادة اقل منى بكتير ومنه وده بقى يرضى غروره انه مرغوب فيه بشدة والبنات دى سنها صغير جدا بالنسبه له وبقيت تلاقى رسائل على موبايل منهم وصور ولما كنت اواجهه كان يقول انهم هما اللى بيعملو كده وهو ملوش ذنب فقلته انا عارفة أن ده بيرضى غرورك فرد ما انت فاهم كل حاجة لكن للاسف واخدة من البنات دول حبته جدا وهى اصغر منه ب١٨ سنة وفضلت تطارده وهو يقولها أن مبقدرش يتجوز لكن تقوله انها محتاجه له ومتقدرش تعيش من غيره وكانت اوقات تيجى بيتى وهى متاكدة أن مش موجوده وبعدين ابن عمتها اتقدم لها لكنها رفضت فجوزى اقنعها انها اتجوزها لانه مفيش امل ناحيته وفعلا اتجوزته وخلفت ولد سميته على اسم جوزى ومقطعتش علاقتها لجوزى بالعكس عرفته على جوزها وبعد كام شهر من الجواز بدات تشتكى من جوزها واسيب البيت وتشكى لجوزى وتحسسه بالذنب أن حياتها تعيسة وقبل ما تكمل السنة سابت جوزها بس من غير ما تطلق وكانت بتستغلها اى خلاف بيني بين جوزى وتقرب ومرة سيبت البيت وكانت فرصة ليها انها تقرب منه وحصل بينهم علاقة محرمة وفضلت تقول لجوزى اتطلق وتتجوزنى لمدة سنة تتحايل عليه لحد ما فى يوم صحى من النوم وقالى انا قررت اتجوزها علشان أن السبب وحكى لى على كل التفاصيل وفضل يبكى طبعا دخلت اهلى واهله والكل رافض الموضوع لكنه مصمم وهى على طول انطلقت وحصل خلافات كتير بينا انتهت بالطلاق وهو كان رافض الطلاق تماما لكنى اصريت وبعدها باسبوع اكتشفت أنى حامل للطفل الرابع وبعدين هو رجع يتقرب منى ويحاول يرجعنى بس مستمر فى علاقته بيها ويقولى انا عايزكو انتو الاتنين فكل الناس نصحتنى أنى ارجع وقالو انه مش هيتجوزها هو بس عايز يحس انك راضية بيه كده وخلاص وفعلا رجعت وهو كويس لكن هى مش راضية تسيبه خاصة انه اتقدم لابوها ولما كنت رافضة ارجع اتفقو على معاد للجواز بعد عدتها على طول. طبعا لما انا رجعت هو ماطل فى الموضوع خاصة انه معهوش فلوس هو اصلا بيكفينا بالعافيىة وانا كنت بساعده ومتحملة مصاريف كتير وده كان بيحسسه بالعجز مع أنى عمرى ما حسسته بحاجة ودلوقتي بطلت اصرف والديون زادت عليه وهى مصرة متسبهوش وابوها بينفذ لها كل طلباتها لانه مطلق مامتها من زمان ومش فارق معاه حاجة ودلوقتي جوزى كان بيقول لصاحبه انه مش عايز يكمل الموضوع لكنه وعد الناس فمضطر يوفى بوعده وانا بتعامل معاه كويس لكن اوقات مبقدرش واتخانق معاه والعلاقة متوترة لكنه دائما عايز يراضنى لكن هى مش سايبه وملاحقه والتليفونات والرسائل طول ما هو فى الشغل وتخلى اخواتها يكلموه اعمل ايه قلبى تعب منه