صورة علم Jordan
من مجهول
منذ شهران 11 إجابات
0 0 0 0

عادات وثقافة أهل حبيبي مختلفة تماماً عني وخائفة ألا أنسجم معهم

مرحبا انا بنت أجنبية الأصل  ، و الحمدلله عندي الجمال و بياض البشرة و الكل بمدح و باكد جمالي.. تعرفت على شب مو من نفس اصولي ، و متفقين و الحمدلله.. اهلو و اخواتو من نوع اللي بهتمو بالمكياج و الأشياء هاي و بشكل كبير و تقيل .. انا ما تعودت على هيك اشي.. بحفلاتهم و باجتماعاتهم العائلية بدققوا كتير على هاي شو لابسة و هاي شو حاطة .. و عايشين بس عشان يتنافسوا أو يشوفوا بعض. انا ما اهتميت بالموضوع و الشب اكتر من مرة اكدلي بانو انا عاجبتو زي ما انا و ما عندو مشكلة .. اليوم اكتشفت عن طريق والدته بانو هو حكا لاخواتوا بانو يحاولوا يوصلولي و يعلموني كيف احط مكياج بس بدون ما يحسسوني أو يدايقوني... و هلا بمناسبة خطبة اختو الكل عم بستناني و أولهم هو بأني اعمل و البس و اطلع اخت العروس كمان .. و انا ابدا مو متعودة هيك.. انا متعودة على الاشي البسيط و الهادي و هم ما يشوفوا هاد الاشي حلو ... انا هلا عم يدور براسي بانو انا يمكن لقدام ما اتفق معهم و بنفس الوقت انا ما بحب اعمل اشي انا مو متعودة عليه ، بس الشب كتير منيح معي ، بس انا خايفة اكون رح اورط حالي و احط حالي بمكان مو مناسب الي ... عم بفكر للمستقبل و بأشياء اكتر من هاي .. انو صحيح هاي تفاصيل صغيرة و تافهة بس مع الوقت بتكبر و بالمجتمع اللي انا فيو بعتبروهم أشياء أساسية و مهمة .