صورة علم
من مجهول
منذ سنتان 14 إجابات
0 0 0 0

هل تأيدون الزواج عن طريق الانترنت؟

جتني فترة قبل سنتين تقريبا فضاوة دايم ادخل شاتات  ..واكون علاقات مع بنات ..للتسلية طبعاً..اكون علاقات معهم ..أحياناً صراحة الشيطان يلعب في راسي ..وأستدرج البنت بالكلام وأقولها إني أحبك وزي كذا عشان بس اشوف صورها .."مو للإبتزاز" يشهد الله إني مافكرت أضر ولا بنت تعرفت عليها..بس كلها تسلية مثلي مثل معظم الشباب اللي بسني عارف انها لعب بعواطفهم واعترف اني غلطان والحمدلله إني تبت لربي وبطلت ادخل شاتات..بس المشكلة الكبرى إني قبل سنة تقريبا قالي صديقي تعال ادخل شاتي وجلس يترجاني..وعشانه دخلت..وجلست فترة فيه وتعرفت على بنت وصرت أسولف معاها على مدار شهر .وانا حاط في بالي إني بإذن الله هالمرة ماراح يلعب علي الشيطان وبأتصرف برسمية تامة معها..بس مأادري كيف هالبنت أحسها غير ..!! إنجذبت لها بشكل كلي..صدقوني شعور فوق طاقتي.. ..طلبت اضيفها سكايب  ووافقت للمرة الثانية من طلبي لها..وإهي كانت تبادلني نفس الشعور بالإعجاب..صرنا دايم نسولف نسولف..طبعاً إلى الأن مجرد كذا سواليف وإعجاب ..! ..وانا ماكنت مؤمن صراحة بالحب عن طريق النت..لكن مع الوقت على مدار السنة هذي ..حصلت فيها مشاكل واحداث كثيرة منها إني مره طلبت منها صورة لبنت ثانيه..عرفت هالشي مع الووقت ..ومن الأحداث إني كلمتها جوال ..لكن فترة على فترات متقطعة وكلها دقايق لأنها تخجلل كثيير..وإهي تدرس بأحد المعاهد حقت للغة الإنجليزية..مره رحت لهالمعهد وعطيتها كتاب كانت تبيه...طبعا شفت يدها بس ولا وجهها شفته بس كذا على السريع لأنها ورى الباب لكن الحين أقدر أقولكم إني مسسستحيييييل أتركها مستحيل وأفكر بجديه إني اتقدم لها ..!! خصوصاً أنها طلعت من نفس القبيلة يعني.., وساكنة بالرياض والبنت أخلاق وجمال وذوق وكل شي ..!! وربي أفكر كثييير إني أتركها لأني خايف أن الله يعاقبني بس برضوا افكر بنفس الوقت وأحس إني لو تركتها بأجلس نادم طول عمري ..!! والله 24 ساعة اسولف معاها بكل مكان..تفضفض لي وافضفض لها ..يعني من جد مووو قادررر اتركها ابداً ..بتقولون لي ان البنت اللي تخون اهلها بتخون زوجها مو صحيح هالكلام ..بالرغم من ان اصلها مو من السعوديه ..من دولة خليجية ثانيه لكن والله ماورتني صورتها ولا مره..كلها اجزاء بس..حتى إني مرره قلت بتركك ولا وريني صورتك وزي كذا مع أنها تموت فيني بس تركتها لمدة اسبوع ولاكلمتني ..وظلت متمسكة بكلامها...أخواني مابي ردود تعصب تكفون..إذا كان لزوم اتركها قولي لي الطريقة كيف؟؟ لأني بصراحه عجزززززززت حاولت وحاولت وكل شوي أرجع لها !!!!!!!!!!!! وإذا كان من الصح اني استمر وهذا اللي نفسي ماتبي غيره..هل تأيدون الزواج عن طريق النت؟ بالرغم من أنها تقول أنها واثقه من أهلها أنهم بيوافقون على اي شي اهي تبيه...مشكورين..