خائفة من نظرات حبيبي وأشعر أنه حزين(2)

انا الى بعت مشكله خائفة من نظرات حبيبى واشعر انه حزين انا عايزة اوضح كام نقطة فى مشكلتى انا الشاب الى بيحبنى متقدم رسمى لاهلى وباباه كلم بابا وكان عايز يحدد معاه معاد عشان يجيوا بس بابا قال مش دلوقتى لغاية ما انا اخلص جامعتى وانا والله العظيم عمرى ما بصيت للشخص الى بحبه نهائى بالعكس لو شوفتوا فى اى مكان بعتبروا مش موجود وانا الحمد لله مهتميه جدا بدراستى انا فى هندسه وانا من اوائل دفعتى والحمد لله وانا لو صدفه شفت الشخص الى بيحبنى فى طريق ممكن اغير الطريق عشان مبقاش انا وهو فى نفس الشارع والشخص الى بيبصلى بطريقه غريبة داه يبقى صاحب حبيبى بس انا مش فاهمه بيبصلى كدة ليه وبصراحه مش مطمنه خاالص للشخص الى بيبصلى داه حاسة انه هيضرنى وانا اخويا عصبى فعشان كدة خايفه اقولوا اخويا اصلا ساكة عن موضوع الشخص الى بيحبنى داه عشان هو واثق فيا وعارف انى مش بعمل حاجة من ورا حتى ان اخويا عارف ان الشخص الى بيحبنى بيبعت رسايل ليا هو بيدايق اصلا لما الى بيحبنى بيبعت رسايل. انا مستحيل اكلم الشخص الى بيحبنى عشان انا كدة ابقى باخون ثقه اهلى فيا وانا متربتش انى اعمل اى حاجة من ورا اهلى بس بجد الشخص الغريب داه عاد بيبصلى زيادة عن اللازم لدرجة انى عنت بتخنق موضوع الولد الغريب داه عاد بيتعبنى خالص