بعد حبي الكبير لها تركتني وتزوجت غيري

السلام عليكم انا مشكلتي بدأت من حوالي ١٣ سنة كنت بحب بنت ومتفقين علي الخطوبة والزواج وكنت لسه ببدأ حياتي حبينا بعض وصارحتها بحبي وهيا كمان كانت بتحبني واتفقنا انا وهيا علي الخطوبة بعد ما اشتغل وسألتني طيب في حالة اتقدملي اَي حد علشان يخطبني اعمل ايه قولتلها كلميني وانا هاتقدم فورا ولو مفيش حد أتقدم بعد ما استلم شغلي هاتقدم ونكتب الكتاب قالتلي أوكي وبدون اَي مقدمات أتفاجأت انها اتخطبت لواحد اقل مني في كل حاجة وهيا موافقة التزمت الصمت وما حاولتش اعرف السبب اللي خلاها عملت كده المشكلة ان كل واحد فينا راح لطريقه وهيا اتزوجت وعندها اولاد وانا كمان لكن انا لسه حاسس اني بحبها بعد كل اللي عملته وحاسس انها بتبادلني نفس الشعور الإحساس ده عامل مشكلة كبيرة جوايا ومش عارف أتخلص منه لان انا بحب مراتي واولادي وما عنديش استعداد اخسرهم علشان اَي حد ياريت تقولولي اعمل ايه علشان أتخلص من الإحساس اللي جوايا علشان انا بجد تعبان