ترك حبيبته الأولى لأن أهله رفضوها فمن السهل أن يتركني أنا أيضاً

السلام عليكم، انا بنت حبيت شاب اكبر منه بسنة و عمري ٢٤ سنة و حكيت له اني كنت مخطوبة لقريب من العيلة و تركته و ما صار شي رسمي و حكيت له الاسباب و اني انظلمت كتيير بحياتي، انا و الشاب بنعمل بفريق تطوعي بالانترنت ولم نتقابل بالواقع، حكى معي ب ٢٠١٧ انه معجب بأخلاقي و بده يتقدم لخطبتي و انا رفضت لأنه كانت ظروف اهلي صعبة ولا نستطيع النزول لبلدنا، لكن صار الشاب يطمن عني كل فترة و يتصل عليي و دايماً يحكي معي كمان بمناسبات العزاء و الفرح و يطمن عني، قلي انه بيحبني كتير و اني البنت المناسبة له و انا كاتبة معروفة، و قبل شهر حكى لي بأنه رح يحكي لأهله منشان خطبتي و انا احتمال انزل لبلدي  لكن ما بعرف ايمتا، و قبل مبارح قال لي انتي حكيتي لي انك كنتي مخطوبة قبل هيك بدي قلك اني كنت حب بنت و كنت لاقيها المناسبة لي لكن اهلي رفضوا زواجي منها لأنها من غير مدينتي مع انها ببلدي و كنا نتقابل بالواقع و صارت مشاكل بيني و بين اهلي بسبب البنت و لما تركت البنت صاروا اهلي يبحثوا عن بنت ليخطبوها لي و انا ارفض لحتى لقيتك انتي و عرفت انك انتي الوحيدة يلي قادرة تسكري الفراغ يلي حسيت فيه لما انعزلت عاطفياً وانتي بتفهميني و بتقّدري وضعي كتير.. قلتله ليش ما حكيتلي هالحكي قبل ! قلي ما قدرت احكي .... علّقني فيه كتير و بيعرف اني بحبه كتير و مستعدة دافع عن حبي له بكل قوتي قدام الكل، لكن قلبي وجعني لأنه خبّى عني إنه ممكن اهله يرفضوا و كان دايماً يقلي الرأي رأيي مو رأي اهلي و رأيي هو المهم لأني انا رح بتزوج .. انا مو من مدينته و مغتربة .. يلي بيحب بيحاول و بيعمل المستحيل و بيقول لأهله ما بتزوج الا فلانة لكن هو ترك البنت الاولى و ممكن يتركني لي كمان، كيف اتصرف ؟؟؟؟ الحب الحقيقي ما بينتهي .. الحب ما بيموت.. لازم يضحي و يدافع عني بكل قوته كرمال الحب يلي جواتي اله