يحبها ويحاول أن يمتلكها وهي اجتماعية وتحب الناس

السلام عليكم بدي احكي عن مشكلة صديقتي كانت على علاقة بشاب من سنتين ويميا بتتكلم معاه على التلفون وبيحكو لبعض قصصهم واخبارهن واخبار اهلهم هو تعلق فيها كتير وهي مصرة انو صديق صار يغار عليها كتير ويروح من وراها يطفش اصحابها الشباب الي بالجامعة هي ما بتعرف شو بيحكيلهن بس فجاءة بيعملولها بلوك وبيطلعو من حياتها واخر مرة حكالها انو كان عما يفتش بجوالها ولقاها حاكية مع شاب حذرها منو اكتر من مرة انو هادا الشاب مو كويس لاتحاكيه وهي رجعت حكت معو تزاعلو وخانقتو انو كيف بتفتح موبايلي وقررت تنهي قصتها معو وتطالعو من حياتها وهو مصر انو يبقى على علاقتو فيها وبيبعتلها اخبار مع صاحبتها او صاحبو بعت يطلبها من اهلها وهي رافضة اي شكل من اشكال التواصل وهو هئ ماعما ياكل ونفسيتو محطمة وعما يحكي انو بيشوفها بالليل وهو نايم نازل منها دم شو بتنصحو صاحبتي تعمل هي بتقول طفشني بدو يمتلكني وهو بيقول بحاول ابعدها عن الناس الي سمعتهن سيئه الشاب بيدرس وبيشتغل وناجح والبنت بتدرس بالجامعة شو الحل البنت اجتماعية وبتحب الناس والروحة والجية والشاب رومانسي وعندو محاولات شعرية وادبية