قلبي يرفض خلع الحجاب

مساء النور .. اكتب مشكلتي وقلبي يدق بسرعة ما اعرف من شنو المهم اني عمري 15 سنة من عراق كتبت البلد لشي ضروري واكيد اللي عايشين بيه يعرفون العادات والتقاليد نبدا اني لبست الحجاب 12 سنة مع العلم انو كنت اقول نفسي ما راح البسه لاخر يوم بعمري بدت القصه انو شعري طويل حبيت اخفف بالست اللي قصتة سوتة كثير قصير ومنكوش ما عرفت المه ويوم قعدت من نومي كلت هاا هي اريد اتحجب وفعلها اهلي ووافقوا وقالوا براحتك ما ضغطوا عليه وتحجبت بعد 2سنوات صرت احسه مثل حبل ع رقبتي كلت وساوس شيطان ومره كلت اصلي علمود يروح وصلت بيه الحاله انهاريت من البكاء وصرت ارجف ودائما ادعي واقول شسوي ياترى شنو الحل وكلت بروحي اني اخلع حجاب ولكن لبسي يضل محتشم وما لكيت حلل ويه روحي .. شنو الحل شسوي ولاتلكون انتبهي لدراسك وانسي هل السخافات ومرحله مراهقه ترى مو ناقصه والله عليه