أختي تعاملنا بلطف فقط عند المصلحة

السلام عليكم - مخنوقة كثير و الله يعلم واتمنى الاقي الحل عندكم - جدتى (ام امي) كانت مرة تعاملها مع امي سئ و بتفضل بناتها الثلاثة عليها مع انى امى عمرها ماردت عليها او زعلتها دائما بتبكى و تصبر - والله اعلم خالاتي الثلاثة هم السبب لانهم بيغيرو من امي كثير ويسببو لها مشاكل مع جدتى الا هي بدون بناتها مررة كويسة - الحين اختى الكبيرة متزوجة وعندها عيال و باقي احنا ثلاثة بنات انا اكبرهم واختى الى اصغر منى بتدرس في الخارج واختى الصغيرة في المدرسة - اختى المتزوجة مرة عايشة دور امي دائما بتلعب دور المظلومة مع انها اخلاقها سيئة وصعبة و الكلام هذا مو من عندى كل الى عاشرها يقول نفس الكلام من وهي صغيرة كذا ,حتى زوجها بشتكي من صعوبيتها مع اطفالها ومعة شخصيتها مرة عكس شخصية امى واذا صارت مشكلة تقول لامي انتى مثل امك بتعامليني - اذا عندها شي تبقى نسوي لها تكون طيبة معنا اول ماتاخد الى تبقى تختلق اي مشكلة (مع امي اكثر شي) وتتركنا يعنى بس وقت حاجتها تكون كويسة معنا - الحين صارت ترمي كلام على تقول لى انتى من تحت لتحت يعنى انا السبب في كل خلافاتها مع امي - صارت ما تسلم على ولا تتكلم معى الا كم كلمة اذا تبقى شي و مافي احد غيري وتتكلم مع الباقي عاادى و بعفوية لكن انا تتصنع التعامل معى - عيالها بتتركهم معنا انا وامي الصباح احيانا امي بتخرج مدرسة تحفيظ بيكونو عندي ولما تجي تاخدهم احسها خايفة عليهم مرة و تضايق لما يكونو معى كانى بعذبهم وتسالهم ليش زعلانين وهم والله متعودين على والعبهم واهتم فيهم ادخلهم الحمام واكلهم والله اكثر من امهم والله يشهد - مع انى والله اذا امى متضايقة معها اصلح بينهم واقول لها معليش هي اكيد مضقوطة الدوام والعيال عمري والله يشهد عل كتابتي هذي يوم القيامة ما تسببت في مشكلة دائما اخلق لها الاعذار عشان امى ماتغضب عليها - بالله عليكم كيف اتعامل معها ؟؟؟؟؟؟ ماتسونى من دعواتكم الله يسعدكم .