تراكمت الديون بعدما دخل أهلي السجن

السلام عليكم انا واهلى مرينا بظروف صعبة جدا لدرجة ان اهلى اتسجنوا شهرين ظلم وتراكمت علينا ديون وضيق حال مع اخ عاق مش بيسيب فرصة الا ويهين ابويا وامى وتوصل للضرب وكلنا بنخاف منه لدرجة ممكن يكسراى حاجة ومرة شق جلبيه امى قدامنا عشان تديه فلوس وهكذا حد قال معمول ليكو عمل وروحنا لشيخ جامع معروف وقال فعلا معمول ليا بتعطيل زواج وخدت كورس انى استحمى بميه قران لمدة معينة وقدرت بعد ما خلصت وانا بطلع من تعب لتعب والمشاكل زى ما هى اختى كانت مخطوبه اهل خطيبها سوبها عشان موضوع السجن بس والله ظلم واحدة رمى بلا اتبلت علينا عشان تاخد فلوس ميراث دون وجة حق المشكله انى تعبت طاقتى خلصت كنت معروفه فى اسرتى بقربى من ربنا فروض ونوافل دلوقتى معنتش قادرة اصلى حاولت اجبر نفسى واضغط فترة على نفسى بس تعبت مش قادرة قلبى بقا بيوجعنى من القهر مش عارفة دا ظلم من ربنا ولا مكتوب علينا الشقاء