صورة علم Romania
من heartless guy
منذ سنتان 15 إجابات
0 0 0 0
  • من شدة تعلقه فيني مضايقني

    الصلاة والسلام على سيدنا محمد وعلى آله وصحبه أجمعين أتم التسليم..السلام عليكم ورحمة الله وبركاته..يا اخوان، انا عندي شخص عزيز علي واعتبره مثل اخوي، لكن المشكلة ورا كل هذا انها تسببت مشاكل معاه وما اعرف وش الحل المناسب عشان اتخلص منها، بديت اعرفه من ثلاث سنين، كانت معرفتي بيه في البداية معرفة صداقة عادية وكنت اقابله دايم ايام الويكيند، لكن مع مرور الوقت صارت علاقتنا قوية وصار متمسك بي كثير ويحبني ويعتبرني مثل الأخ وما يناديني الا اخوي والسبب ورا المحبه هذي اني وقفت معاه في مشكلة كانت بين امه وابوه بصفة انهم كانوا منفصلين وهو تأثرت نفسيته منها كثير وكنت انصحه واساعده في ذاك الوقت الين انحلت مشكلته فصار يشوفني كبير فعينه، بديت ادخله انا في كل شي يخصني وكنت اقول له كل شي يصير عن اسرار البيت وحتى لدرجة اني كنت اعطيه أرقام أهلي بصفة اذا كان جوالي مقفل يدق عليهم، و مع مرور الوقت صار يبغى يشوفني كل يوم وانا ما كان عندي وقت عشان اتفرغله كل يوم لأن كان عندي دراستي واهلي وبقية اصحابي وكان هذا الشي يزعجني وكنت في البداية اعتذرله وافهمه بس ما كان يفهم فكنت بعض الأحيان اتجاهله ولا ارد على اتصالاته فصار يلجأ لأمي او اخوي ويدق عليهم ويسأل عني او ينتظرني اسفل البيت ويجلس لساعات طويله الين اخرج وهذا الشي كان ينرفزني جدا فكنت اخرج واتمشكل معاه فينصدم ويقلي ليش تعاملني كذا ويحسسني اني انا الغلطان وبعدها يغمى عليه، فأحن عليه وأرجعله، ولكن ما كان فيه فايده فتعودت اني اكون معاه دايم لدرجة اني كنت اعتمد عليه في كل شي وحتى ثقتي في نفسي فقدتها، احس نفسي كأني مملوك له، هو وفي جدا لي وما يرفضلي اي طلب، وانا صراحة كنت احبه كثير زمان بس الحين كل ما اشوفه اتضايق، الناس كانوا يشوفونا وكانوا يستغربون ويقولون لذي الدرجة تحبون بعض، حتى أصحابي كلهم تركوني بسببه لأنه كان يتحسس علي من كل شي وحتى وقت ما يمزحون معي كان يمنعهم من هذا الشي وكانوا يتضايقون ويقولولي هذا مريض، وانا الصراحة تعبت معاه وما ادري ايش اسوي، المشاكل اللي تصير بيني وبينه ممكن تكون حسد مع العلم ان اغلب اعراض الحسد معي او هو نفسه مريض نفسي ولازم يتعالج ومع العلم اني كمان تركته لفترة وتفارقنا وحسيت اني تحسنت من ناحية الثقة في النفس وفي نفس الوقت كنت احن له وما ابغى استغني عنه لأنه وفي جدا لي وما يتركني ابدا في اصعب الأوقات، ارجوكم اذا تقدرون تفيدوني لا تقصرون معي لأن مالي إلا انتم بعد الله...


أسئلة ذات علاقة