أعلم أن الخيرة فيما اختاره الله لكن... (1)
من مجهول
تاريخ النشر: 10-02-2019 2 إجابات
السلام عليكم ورحمة الله وبركاته يقولون دائما الخيرة فيما اختاره الله وان ديما لما بتحصل معانا حاجة صعب نتحملها ومكناش حبينها يقولو اصبرو لعلو خير وان الخير جاى طيب انا عايز اعرف لحد امتى الصبر انا واحد دخل المدرسة متاخر سنة عشان شهرين من عمرا متولتش يعنى فالوقت اللى مناسب للتقديم وبالتالى دخلت المدرسة مع الدفعة الاصغر منى يسنة ومعرفش اى الحكمة فكدا وقولت الحمدلله ونسيت الموضوع جيت فثانوية عامة فالامتحانات حضلت معاى ظروف خلتنى اقسم السنة برغم مكنتش ناوى على القسمة وقولت لعلو خير هصبر ورضيت بقضاء ربى برغم ان طول الوقت بسمع الكلام الجارح من اهلى وجرانى وانى المفروض مكنتش قسمت المهم جبت 94 فالمئة والتنسيق كان عالى فمتقبلتش فصيدلة خاصة اللى كنت مقدم فيها ودخلت كلية انا مرتحنلهاش وتعقدت من الدراسة فيها محدش يقولى دلع اقسم بالله انا حاولت كل جهدى اتقبل الدراسة والدكاترة وانى فبداية العام داخلها ومتحمس وناوى اجيب تقدير عالى لطن اللى حصل انى مقدرتش اكمل بكل المقايس وبالتالى هطر استنى للسنة الجاية عشان احول على كلية تانى وهبدا لسا من جديد مع دفعة اصغر منى بتلات سنين حد يقولى اى اللى بيحصل معاى ده وهصبر لحد امتى انا حاسس بالعجز والفشل وهمتى وحماسى للتعليم هبطو خالص لدرجة انى مبقتش حابب حاجة فدنيتى اصحابى اللى من سنى اخر سنة ليهم فالدراسة السنادى واللى كنو اصغر منى فدفعتى قعدلهم سنة وانا قاعد محلك سر ياترا ده ليه وايه الحكمة فكدا طول الوقت بسال نفسى اى حكمة ربنا فالتاخير مش لاقى اجابة حد يقولى انا لو كنت غلطان فحاجة من اللى حكيتها يمكن انا السبب ومش عارف؟!! دلوقتى بفكر ادخل حقوق مش عارف كويسة ليا ولا بس انا مجموعى بالنسبة للى بيدخلوها حلو يعنى هقدر اجيب تقدير ولا اغير وجهة نظرى وكمان حابب اعرف سؤال محيرنى فنظام الساعات المعتمدة بيقولو الواحد بيحدد عدد السعات ليه يقلل المواد براحته فهل ممكن حد عايز يكتر عدد المواد ويخلص فسنبن دراسية اقل ولا ايه نفسى يكون فى كدا فعلا على الاقل الاحق التاخير اللى اتاخرته دكله ولو كان كدا فعلا ادخل كليه الصيدله اللى حاببها .
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الدكتورة سناء مصطفى عبده اهلا بك يا ولدي، وان شاء الله ربنا يهدي بالك ويحقق ااحلامك، ولن اتحدث عما مضى لأنه مضى ولا يفرق الذنب ذنبك او خطأك ام ذنب غيرك وخطأهم، لذلك دعنا نكون واقعيين ونتحدث عن الحلول لأن الحديث في الماضي سيزيد الهم ولن نتحرك خطوة واحدة للأمام، ولم تخبرني ما تدرس االان ، ولكن حسب ما فهمت من كلامك انك الان عند خطة البداية من جديد، واعلم ان اي دراسة في العالم لو كانت فنون والا رقص والا طب والا شريعة والا سياسة والا محاسبة او اي تخصص يحتاج الى جهد ومتابعة ودراسة، فهل تعتقد ان كلية الصيدلة اسهل مما تدرس؟؟؟ ابدا هي مواد وعليك دراستها وتقديم امتحاناتها ومن ثم تتخرج وتبحث عن عمل، لذا اريدك اان تفكر بعقلك بامرين وهما الأول مرتبط بحاجة السوق واحتمالية الوظيفة والعمل مباشرة بعد التخرّج فالعبرة ليست في اي سن تتخرج بل العبرة بكيف ستستفيد من دراستك وتعمل وتثبت ذاتك، هل الحقوق سهل بالنسبة لك وهل عندكم سنتين تدريب لأجل شهادة المزاولة بعد التخريج، هل يمكنك ان تحول على كلية الصيدلة وتجد عمل اسرع، هل يوجد احد اقاربك عنده مكتب محاماة او صيدلية حتى تعمل وتتدرب فيها، هذا امر مهم وربما التخصص الذي انت فيه الان هو الافضل لسوق العمل، نحن لا نسير في هذه الدنيا في بعض الاحيان تحت غطاء أحب ولا احب، نحن نتابع الحياة حسب الضرورة وحسب الحاجة في كثير من الأحيان، اما الأمر الثاني وهو عدد سنوات الدراسة والكلفة المالية، يجب ان تحسب عدد سنوات الدراسة لكل من الحقوق والصيدلة وتخصصك الحالي وتحسب الكلفة المادية وقدرة الاهل عليها، واضف الى ذلك احتمالية ان تعمل وانت تدرس في ذات المجال لتطوير نفسك، اما بالنسبة للساعات المعتمدة فالحد الاقصى 18 ساعة في الفصل و 21 للخريج والصيفي 9 و12 للخريج، الا ان كان نظام جامعتكم مختلف، وفي كل الاحوال يجب ان تبدا بهمة وحماسة وبدون ندم على ما ذهب لأنه انتهى ولن يعود والعمر لا يفرق كما قلت لك فربما احد زملاءك يتخرج الان ويبقى 3 سنوات عاطل عن العمل، لا تقس الامور بهذا الشكل بل لا تكون عاطل بل ادرس واعمل واملأ حياتك ولا تضيع ولا دقيقة ولا ترسب ولا تحمل اي مادة وستتخرج ان شاء الله، وان نويت على اي نية اخبرني وانا اساعدك في برنامج دراسة وان شاء الله ربي يوفقك. 
![animate]()
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
مقالات ذات صلة
فيديوهات ذات صلة
أسئلة ذات صلة
مقالات ذات صلة
احدث مقالات مدارس وجامعات
احدث الوصفات
طريقة عمل حلى كرات الشعيرية السهل والسريع
طريقة عمل كيكة الجيلي الباردة
طريقة عمل حلويات سهلة بدون فرن وبثلاث مكونات
طريقة عمل آيس كريم بدون سكر
احدث اسئلة مدارس وجامعات
اسئلة من بلدك
احجز استشارة اونلاين
