اهلي اعترضوا على دراستي بالخارج

مدارس وجامعات
animate

السلام عليكـم ، انا بنت صف 11 باقي اقل من شهر ونعطل وتيجي العطلة وبعدها نرجع واصير صف 12. يعني الوقت هلأ إجا لحتى قرر شو رح ادرس ووينً. انا كتير حابة ادرس ببرة بس المشكلة اهلي، مو راضيين يطلعوني برة وانا مش حابة ادرس هون بالمرة يعني كرهانة التعليم هون وانا حابة اتعلم ببلد معينة وكتير متعلقة بالدراسة هناك وحابة اخطلت مع الشعب هناك وحتى كتير بنيت احلام وآمال بخيالي بس اهلي حتى بالمزح بيقولولي ما في روحة . انا اذا درست هون رح اتدمر لاني مو حابة بالمرة وما في حد يفهمني ومو حابة افتح هالوضوع هلأ لانه كتير ببهدلوني وامي بتضل تحكيلي شيلي الموضوع من بالك وانسي والكل هيك مع انه اغلب قرايبيني حيدرسو وين مبدهن واهلن موافقين بس انا هيك لي ؟ صح انه يمكن خايفين علي وهيك بس انا بطلت صغيرة وعندي مسؤولية اكتر من غيري الحمدلله وفي اشي اسمه ثقة انا بشك انه ابي ما بيثق فيني وهالشي كتير بزعجني، الصراحة مش عارفة كيف اقنهم والله يئِست من هالموضوع ، بس هالشي مستقبلي يعني اذا ما كان متل مبدي ما رح انجح بحياتي انا كنت حابة اشوف الموضوع بشكل جدي من هلأ عشان بس خلص مدرسة طوالي بلش جامعة بس عالاغلب مع هالوضع استريح سنة لانه لازم الاقي حل كتير متحيرة انصحوني لو سمحتوووا

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده اعتقد انك لا تزالين صغيرة على تحمل مسؤولية العيش وحدك واتخاذ القرارات الخاصة بك بمعزل عن والديك على افتراض ان المجتمع يسمح بهذا، وخاصة انك لم تتعودي العمل والدعك وتحمل المسؤولية والصرف على نفسك، هذه من جهة، ومن جهة ثانية كل عائلة ولها ظروفها وخصائصها فلا تقارني وضعك مع غيرك.لم اعرف اين تريدين الدراسة، ولكن اعتقد انك وضعت حكم مسبق وستنفذينه ان لم تفتحي عقلك على ما ساقول، لن انجح!!! كررت هذه الكلمة مرارا، وانا اقول لك ان ستضيعين حياتك انت، وتضيعين عمرك انت، وتحكمين على نفسك بالفشل، يمكنك ان تدرسي وتنجحي وتكملي دراسات عليا في الخارج ان اقنعت والديك بشطارتك ويمكن تجيبي بعثة كمان.ان تركت الدراسة او قررت الرسوب ستضرين نفسك فقط.فكري بعقلك، هل تتمكنين من تحمل مسؤولية ترك البيت والدراسة وحد والعيش وحدك كما تشائين ثم تجدين نفسك بلا عائلة ولا اهل وتنالين غضبهم؟ام تقبلين في هذه المرحلة وتحاولين البحث عن بعثة لاحقا؟يا بنتي الشاطر شاطر وين ماكان، فليس المكان من سيظهر ابداعك، وكم من شخص في مناطق محتلة ومضطهدة وقدم براءات اختراع.فكري بعقلك وقرري.نصيحتي لك كما ذكرتها
  • صورة علم Algeria
    صورة علم Algeria
    من مجهول
    ليس قضية ثقة قضية أنه لا يرضي ربنا و هذا كبيرة من الكبائر و انت كفتاة لست مطالبة بهكذا طريقة علم ...ربى نفسك بهذا العلم على كيفية ارضاء ربنا
  • animate

  • صورة علم Occupied Palestine
    صورة علم Occupied Palestine
    من مجهول
    حبيبتي مشكلتك تقريبا زيي... انا قدك وحاطة في راسي اني ادرس في امريكا وكتيير حابة الاشي... بس ابوي مدقر شوي عالاشي.. بتعرفي شو؟ ما اهتميت بحكي اي حدا بسمع وبطنش! وعم بشتغل عحالي من هلأ لادرس برا وبضل اروح عالقنصلية الامريكية في البلد عنا وماخدة الاشي بكل اهمية و هو اكبر اولوياتي هلأ لانو صراحة ما حدا الو حق يتدخل في مستقبلك حتى لو انو كان ابوكي لانو اخر اشي انت يلي راح تعيشي حياتك، يمكن تكون حسب الطريق الي بتختاريها وهون بتكوني انت الكسبانة ، او الي بختارولك اياها اهلك و هاي بتعتمد عليكي اذا ناسبتك او لأ .امك وابوكي عاشوا حياتهم وعندهم مبادئ يمكن بتختلف عن مبادئك و بشوفو الاشي بطريقة بتختلف عنك بس انت كوني قوية وقد حالك و واجهيهم، وبنصحك تبدي تشتغلي عحالك من هلأ لانو انت كتيير متأخرة بس انشالله بتوصلي للبدك ياه. وبتعرفي لو تشتغلي بدون ما يعرفو واخر اشي لما يزبط كل امورك حطيهم تحت الامر الواقع و احكيلهم انو انت جاهزة تطلعي وهادي حياتك الي راح تعشيها، طبعا همة مش راح يتأثروا باي شكل من الاشكال اذا درستي برا لانو هاي حياتك وبس.وبالنسبة لاي حدا بحكي انو هاي بنت واهلها ادرى فيها وهم بختارولها مستقبلها!! ... حبيبي البنت بتقدر تمشي امورها لحالها وين ما كانت وما تستخفو فيها لانو يمكن تكون اقوى من عشر ولاد حوليها. وما بعرف ليش مجتمعنا العربي ماخد مبدأ انو احنا الجنس اللطيف الي ما الو القدرة عالتحكم بامور الحياة وما النا حرية شخصية و بنتهكوا حقوقنا بدون اي تفكير، بس الي بعرفوا اني ما بسمع لاي تعليق سلبي من اي فرد من المجتمع يمكن يوقف في طريق حلمي و مستقبلي! وبتمنالك كل خير انشالله و تحققي كل امانيكي. و اخر نصيحة انو تكوني قد حالك و طبقي الي في راسك وبس
  • صورة علم
    صورة علم
    من مجهول
    يعني كل انسان حر باولاده لا تقارني حالك مع اقربك لانه كل و احد له ظرف ..انت اهلك هيك تفكيرهم و انت لازم تتقبلي هذا الشيء لانهم بخافوا على مصلحنك اكثر منك اكيد ..انت بالنهاية بنت و مجتمعنا ما بيتقبل انه بنت تسافر لوحدا و تكمل تعليمها بعيد عن اهلها ..فكري انك تبدعي بمجال دراستك وين ما كنتي و ما تفكري انه الموضوع سيء الى هذا الحد
  • صورة علم
    صورة علم
    من مجهول
    عزيزتي انت ممكن تكوني بتتحملي المسؤولية و عقلك كبير لكن في الحقيقة انت في عمر رغباتك غير مستقرة و ممكن يكون قراراتك غير صحيحة و الاهل اكي ما رح يتركوكي تقرري و تتخذي هذه القرارات بنفسك .. لا تخلي الظروف ي الي تتحكم فيكي تحكمي انت في الظروف .. ممكن تخلقي بيئة مناسبة لتحقيق احلامك في بلدك بالقرب من اهلك . و تكوني ارضيتي نفسك و ارضيتي اهلك وبعدها لما تكبري و تصيري قادرة تتحملي مسؤولية نفسك كملي دراسات عليا في المكان الي انت تحبينه
  • صورة علم
    صورة علم
    من مجهول
    عزيزتي تمشي الرياح بما لا تشتهي السفن .. و الرياح عندك تمشي عكس ما تشتتهين .. لكن اهلك معهم حق انت صغيرة و الاهل بيخافوا عليكي انت في سن صغير و ممكن المجتمع بحكم أكثر من العائلة .. ممكن تحققي الي انت تريدينه و تحلمي فيه من ون السفر و في بلدك ..لا تخلي تنجاحك و مستقبلك يعتم على اي شيء اخر غيرك .
  • صورة علم Qatar
    صورة علم Qatar
    من مجهول
    شوفي لا تغرك المسميات والمظاهر. الدراسة والعلم والتقدم بتجي من الجهد اللي بيبذله الإنسان وخاصة في القراءة وتطوير الذات والمهارات ومالها علاقة لا من قريب ولا من بعيد في وين بتدرسي لاني نحن في عصر العالم كله صار على الإنترنت. أهم شيء يكون عندك الإرادة والإصرار على النجاح. انا عن نفسي درست في دولة غربية وفي جامعة من أحسن جامعات العالم وباكدلك إن الأساس في التقدم هو انت وليس البلد أو الجامعة اللي بتدرسي فيها. في بنات ما حصدوا من الغربة غير التعب والوجع والفشل لأن المصاعب كثيرة والمخاطر كبيرة أيضا. والدك مشكلته ليست الثقة بل الخوف عليكي. نصيحة خليكي جنب أهلك وركزي في تحصيلك العلمي بجهدك الشخصي لأن هذا هو طريق النجاح أولا وأخيرا
  • صورة علم
    صورة علم
    من مجهول
    يمكن لما تنجحين يتغير الموضوع انت الحين ركزي بدراستك وانجحي وجيبي مجموع عالي وقتها اهلك يمكن يفكرون بالموضوع
  • صورة علم
    صورة علم
    من مجهول
    ما بين غمضة عين وانتباهتها يغير الله من حال الى حال
  • صورة علم
    صورة علم
    من مجهول
    انا اقول انتي انجحي الحين وربا بيفرجها

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟