وصفوني بالمغرورة والله يعلم أنني...!

لما كنت صغيرة كنت اغار من ممثلة منة عرفة لان كل ما حد يشوفها يقول حلوة وأمورة........ وهكذا بس دلوقتى انا فى سن المراهقة مبقتش اغار خالص ولا الموضوع فارق معايا اصلا لأن بقيت اشوف نفسى احلى منها بس دائما اخويا يقولى انى وحشة اوووى كل يوم والتانى يقولى انتى بتتنكى على أية انتى وحشة اووى ويقول لأمى جبتيها منين دى وبحس أن امى مقتنعة بكلامة لأنها ولا بتعاتبة وتقوله لا اختك حلوة ولا اى حاجة وبس بتسمعه وتسكت. وقبل كدا كان فى فرح وفضلت تقول لاختي انتى موزة طول الوقت وبعدين قالتلي يلا وانتى كمان عشان محدش يزعل. واصلا ماما تفضل تشوف صحابى وتقولى البنت دى حلوة ودى أمور ودى احلى واحدة فى الدفعة. . طب وانا لية متقولش انى حلوة . وكمان خلاتى يشوفوا بناتهم احلى منى. وبنت خلتى دايما تشوف نفسها عليا لأن عنيها ملونة. وكمان ماما تشوف نفسها احلى منى. وقبل كدا صاحبة ماما قلتلها دى بنتك ومالها مش حلوة زيك لية وطبعا امى تفرح. واخواتي يشوفوا نفسهم احلى منى. مع ان صحاب اخويا بيكونوا معجبين بيا وانا بلاحظ كدا وكان فى واحد صاحب اخويا بيحبنى بس انا كنت فى حالى دائما. وكمان فى واحد معايا فى الدفعة كان معجب بيا. انا حوالى17 سنة. وبحس أن عندى أعراض فصام.