صورة علم Jordan
من مجهول
منذ 3 سنوات 6 إجابات
0 0 0 0

لا أعبر عن ما بداخلي

مرحبا، انا عمري 19 وانا بنت كتير كتومة وما بحكي اي اشي بصير معي لاي شخص بالرغم من انه في حولي كتير اشخاص بحبوني وبحبهم.. وهاد اشي كتير بتعبني نفسيا لانه انا ما بثق بحدا رغم انه كل الي حولي بثقوا فيي وبحكولي اسرارهم بس انا بضل مستغربة انه كيف بيقدروا يأمنوا اسرارهم لحدا.. وبحسدهم على انه بيقدروا يحكوا كلشي بحسوا فيه بسهولة وبرتاحوا.. انا ما بقدر اثق بحدا مو عارفة شو اعمل.. يعني حتى لو الموضوع الي مدايقني بسيط وعادي

لو الناس يعرفوه ومع هاد ما بحكي لحدا عن اي اشي مدايقني.. يمكن لانه بحب اضل مبينة قدام الناس اني قوية.. وهاد الشي الي كل الناس الي حولي حسسوني ياه انه انا قوية وشخصيتي قوية ومعرفة بهاد الاشي قدام الكل.. وصراحة بفكر مرات لو بدي احكي لشخص معين عن موضوع مدايقني، بفكر فيها انه كل الحلول الي ممكن يساعدني فيها انا بكون زمان مفكرة فيها وغير انه ممكن ياخد الموضوع علي ممسك، وبفكر انه ليه ما بكون زي البنات الي بحكوا كلشي لأمهاتهم وبكونوا متقربين من امهم مع انه ماما كتير بتحاول تسمع مني وهي كتير منيحة ومتفهمة بس الغلط

فيي انا... كتومة زيادة عن اللزوم وهاد كله بأثر عنفسيتي وبسبب عندي إكتيأب ووجع راس قد ما بفكر لحالي..

أضف إجابتك

صورة علم United States
السؤال التالي