صورة علم Germany
من مجهول
منذ شهر 16 إجابات
0 0 0 0

في العقد الثاني من عمري وأجهل إدارة حياتي

السلام عليكم ... انا ما توقعت اني اطلب بيوم استشارة من الانترنت لاني كنت متصورة نفسي اني شخص واثق من نفسو و بيعرف يدبر امورو و لكن للاسف الانسان بيعرف يكذب على نفسو او بالاحرى انا كنت متصورة هيك مشكلتي هي ضعف ثقتي بنفسي مع اني فتاة متعلمة و جميلة و اعتبر من المتفوقات و والحمدلله و عندي طموحات . بس رغم هيك انا ما بعرف دبر اموري , تصرفاتي مو حكيمة , ما بعرف اخد قراراتي و انا اصلاً ما بعرف شو بدي , يلي بعرفو انو عندي طموح كون ناجحة و بتمنى كتير بالمستقبل كون شي يأثر بالناس , عمري 20 بس لهلأ تصرفاتي مانها ناضجة , بقرأ كتب كتير لاني بفكر انو الكتب لح تخليني صير انضج , مع انو الكتب كتير ساعدتني بتقوية ثقافتي بس شخصيتي ما تأثرت لساتني مترددة مابعرف قول لأ , مو شاطرة بشي غير اني اقرأ وناقش بس بامور الحياة العملية انا صفرمابعرف اتصرف. بقرا كتب علم نفس كتير و عرفت انو سبب خوفي الدايم من عمل اي شي هو انتقادات اهلي الي من انا وصغيرة لهلأ .. دايما كنت اسمع عبارات متل . متسرعة , ما بتعرفي تتصرفي , ما بتنتبهي , بس تكبيري كيف بدك تدبري امورك , و بصراحة انا بلشت صدق هي العبارات او يمكن انا مصدقتها من زمان بس كنت كذب عحالي , لدرجة انو ماعدت اعمل لاهلي اي شي خوفاً من اني افشل و اذا صار و عملت شي و مازبط معي و اهلي كانوا ناطرين مني ببكي او بخاف و برجف وقلبي بدق , عقلي دايم التفكير و يمكن هاد هو سبب عدم انتباهي فعلاً بفكر دايماً بكل شي بتخيل و بحلم و بحلل بمخي , و كتير مواقف بتصير الي مثلا لاني ما حفظت طريق الروحة لشي محل او لاني حملت مفتاح البيت الغلط و طلعت .. بعد هيك مواقف بسمع عبارات لانك ما بتنتبهي ما بتركزي , بضل بفكر كمان بالناس و مشاعرهن حتى لو هنن كانوا مو مناح وسبق و اذوني بضل طيبة معهن , لاني بخاف واجههن وبخاف قول لأ , حتى مع حالي انا ما مو صارمة وقتي مابعرف نظمو و مابعرف رتب اولوياتي ,, شوو اعمل صرت كبيرة و عمري 20 والمفروض كون عم اتعلم شغلات جديدة بدون خوف وتردد و شكرا الكم