فقدت قلبي من كثر الخيبات التي مررت بها

السلام عليكم ، انا عمري 25 سنة انا شخصيتي هادية ما بحب اذي حدا ولا اغلط في حق حدا من وانا طفلة قوية لكن مسالمة مستحيل أذي اي انسان ما بحب حدا يغلط فيني مع اني بكتير ظروف سامحت لكن مشكلتي حاليا هي المشاعر انا حاليا ما عندي مشاعر للاسف انا كنت حنونه على الغريب قبل القريب انا كنت بحب الحب وبحب كل اشي انا بعرف انه كترة المشاكل والهموم والخيبات والفقد اذتني كتير بس انا مو قادرة انزل دمعة وحده من عيوني انا عارفه نفسي كتير انه اللي مريت فيه من عمري ما كان سهل انا عمري ما حسيت بحنان امي بس انا كنت اعطي هالشعور حتى على الحيوانات انا عارفه انه ابوي وقف ضدي باكتر وقت كنت محتاجيته انا عارفه انه ابوي كان بده يزوجني وانا بعمر ١٤ سنه لشخص مريض نفسي انا عارفه انه هالموقف كسر قلبي وبعرف عنادي بعدم زواجي بهاد الشخص خلى والدي يغضب علي بس انا طفلة والله كنت طفلة صح انا حاليا ناجحه بحياتي وبدرس دراسات عليا بس في جواتي مواقف خلتتي انكسر وصح اختي بتحاول تكسرني وتدعي علي وتتمنالي الشر بس انا سامحت والله بتعامل مع الكل بهدوء وبعد وفاة والدي اعرفت انه الحياة ما بتستاهل كل هالحزن وكل هالنكد وما بعرف ليه هيك بنقسى على بعض والصاحبات كان اشي مهم عندي لكن حاليا انا مقتنعه باصدقاء الفتره وانا شخصيتي اجتماعيه يعني بس فراغي بقلبي وبعرف انه اعز اخ علي لما كنت احكيله عن همومي لاني كنت بوثق فيه وبوثق برأيه وفجأة بحكيلي انه هو ما بهتم للكلام وانه هو كأنه ما بسمع كلام اصلا صح انا انكسرت بلحظتها صح صرلي سنتين ما بحكيله عن اشي بخصني حتى هو ما استفقدني للاسف وهاد اعز شخص كان علي وصح الشخص اللي حبيته حرقلي قلبي بس انا وصلت لمرحله صعبه كتير مو قادرة احن مو قادرة افكر بمشاعري يا الله حتى العصافير بطلت احطلهن مي كل مشاعري قست كل اشي فيني قسى ما في اي مشكله بتهزني ما في اي غدر من اي شخص يخليني اخد موقف منه بالعكس صرت امشي كأني بدي اخلص من كل اشي انا فاقده قلبي وبعز علي افقد قلبي انا بحب الحب وبحب المشاعر اصلا شو اصل الانسان لو كان بلا مشاعر بس انا متغيره بطريقه مو صح ما عندي فرح ولا عندي حزن ما عندي كئابه ما عندي اي اشي انا صح ناضجه وبعمر ٢٥ اتلعمت كتير بس انا هاد الحال ما بتمناه ليهودي حاسه حالي عايشه علشان ادرس واشتغل وانا بعرف انه الفلوس مو كل اشي انا بعرف اني كنت بحب الاطفال وحاليا ما بتحمل اسمع صوت طفل انا بعرف قديه كان بخاطري اتعوض عن اهلي بشخص واحد بس يفرحني لو دقيقة وحده بس للاسف ولا اي علاقة فرحتني سواء اب او ام او اخ او اخت او صديقة او حبيب وانا شخصيتي مو ضعيفة ابدا والكل بعرف هاد الاشي بس صعبه انه قلبي ما ارتاح كل العمر اللي راح انا بعرف ما الي حظ بالاشخاص والله بعرف ولا بتوقف حياتي عند حدا بس عاطفتي برضوا ماتت نفسي اهتم بورداتي نفسي اطلع على السما متل زمان نفسي ارجع احن واتعاطف مع كل اشي وانا اللي كنت معروفه بحنيتي وطيبتي بعرف انه المعامله مع الله وانا كنت اعمل كل اشي علشان الله عمري ما ستنيت كلمة شكر من اي انسان بحياتي وبالعكس بعمل الاشي بنسى اني عملته علشان ما اربط حبي للخير بسوء اعمالهم بس والله تغيرت كتير بعز علي اني فقدت قلبي ، ساعدوني ربي يسعد قلوبكم ويوفقكم يارب ادعولي جاهدت لحتى يكون عند قلب ولكني فقدته من كتر خيباتي