صورة علم Jordan
من مجهول
منذ سنتان 8 إجابات
2 0 0 2

اهلي ينتقدونني على كل شيء حرفيا

انا فتاة عمري 20 سنة.. مشكلتي مع اهلي بينتقدوني على كل اشي حرفيا. على القومة و القعدة و نومي و طريقة لبسي و شعري و طريقة قضاء وقتي و اكلي و دراستي و شغلي و تعاملي مع الناس حكيت ولا سكتت و كل تصرفاتي.. بينتقدوني على كل صغيرة و كبيرة لدرجة ما عاد اتقبل أي ملاحظة سلبية زيادة من أي حدا.. خلص.. اللي فيني مكفيني. و صرت اتجنب اشوفهم او احكي معاهم.. حتى مجرد اني اقوم من النوم الصبح و هم بالبيت صرت اكرهه و اتجنبه.. إدامهم من كتر ما بينتقدوني بصير متل المعاقة بعرفش اتصرف و لا اتحرك و لا حتى احكي.. مع انو بغيابهم الكل بيحكي اني شخصية مؤثرة و قيادية و متحدثة و الوضع تمام.. مش راضيين يفهموا انو انتقادهم المبالغ فيه لإلي بيخليني افقد ثقتي بنفسي و اتخذ موقف دفاعي منهم و حتى الغلط من تصرفاتي أبرره و ادافع عنه.. و بيعطيني كمية حنق و غضب و مشاعر سلبية بتخلي كل اشي بحياتي اسوأ و اسوأ.. خاصة و اني بشوف بنات جيلي كيف عايشين و إلهم حرية حتى بالغلط و احتواء من اهاليهم.. غير الاكتئاب و الانعزال عن الناس يلي بيزيد عندي يوم عن يوم دون ما يراعوا نفسيتي و يساعدوني مع اني بطلب المساعدة بالفعل.. لدرجة صارت اعصابي مشدودة بشكل بيأثر على صحتي سلبا و بيمنعني من النوم و بيسببلي كوابيس باستمرار... حلوها.