صورة علم Egypt
من مجهول
منذ سنتان 5 إجابات
1 0 0 1

ثقتي بنفسي معدومة بسبب شكل أنفي

مشكلتى بقالها 21 سنة اتولدت بعيب خلقى فى شكل الأنف ال21 سنة دول من اول السن اللى بدءت افهم واحس مفيش يوم عدى فيهم وانا مرتاحة مفيش يوم عدى فيهم من غير ماحد يتريق عليا الاهل والصحاب والقرايب والمدرسين. ..ثقة فى النفس صفر انعزلت عن الكل اتوصفت بالغرور و الأنانية اتحولت لإنسان عايش جسينا بس الروح خرجت ...بدءت احفز نفسى أن اكيد ربنا هيكرمنى و يعوضنى فى حاجة تاتية بس بردو دا محصلش كل حاجة امنتها محصلش منها حاجة و فى كل مرة كنت بواجه صدمة أكبر تعزلنى تانى. ..اتشجعت و قولت لوالدى انى خلاص مش قادرة استحمل و تعبت من نظرة الناس و تريتقتهم عليا وانا مليش ذنب زى اى حد ممكن فى الموقف يتجه لناحية دينية وانو حرام و و و و الخ ...وبعد محاولات و فترة اكتئاب و امتناعى عن كل حاجة أخيرا اقتنع و فعلا اخدت خطوة الاتجاه للتجميل بس بردو زى كل مرة فرحتى بحاجة اتمنتها مكملتش حصلى الاسواء وان بخطأ مسمحتش عليه ومش هسامح عليه ابدا من اخويا شوها تانى ...مشكلتى هى امى اللى دايمااااا تعيب و دايما تحب كل الناس اللى بتشوفها عن بنتها و اللى دايما عمرها ورتنى حنان و حب من اللى بتديهم لاخويا ...مشكلتى ابويا اللى عمره معاملى حاجة اتمنتها أو شجعني ع حاجة اتمانتها دايما يقلل منى وانى مقدرش اعمل حاجة و فكرته دايما أن انا اللى محتاجاه مش هو انا اللى بطلب فلوس لتعليمى أو للبسى أو أو الطريق اللى خلاني اختار أقلل كلية فى المصاريف و اتعلم فيها عشان ميذلنيش بالفلوس عمرى ماقولتله ع حاجة حباها أو محتاجاها وفيها فلوس و حققهالى بالرغم من مقدرته المادية مش عاوزة اوصفه بالبخل لأنه عاطى لاخويا بردو كل حاجة ...مشكلتى مخلصتش مشكلتى لسة كبيرة بس إحساس بالعجز اللى مسيطر عليا وانا بكتب الرسالة دى منعنى انى أبقى عاوزة أكمل ....انا بعت الرسالة دى وانا عندى اقتناع أن محدش هيعرف يحلها بس كتبتها عشان كان نفسي افضفض مع حد طول عمرى بس مقدرتش فضفضت ع الأقل فى الرسالة دى بجزء من المية من مشكلتى لانها هتبقي من مجهول .