لا أحب أن أبوح لأحد

انا انسانة كتومة ما تعودت احكي .. يعني طول عمري بحل مشاكلي لحالي وبحاول اتخطى الاشياء الصعبة وما استعين بالناس الي حوالي الا ما ندر او باخد النصيحة بمجمل الموضوع من دون تفصيلات او آراء ، ما بنكر اني بستفيد بالعكس بحب نصيحتهم خاصة ازا لجأت لانسان اكبر مني وواعي بس المشكلة انا مو ملاقية الانسان الي اشكيله عشان ارتاح لا عشان نصيحة ولا اشي بس عشان ازيل عني ومرات كتير ماما بتحكيلي انه اشكيلها وما اخلي بقلبي بس بحسها الها همومها ليه ازيد عليها ؟! انا كتير ببعت هون وبستفيد من خبراتكم بس بحس مو كافي او مو حل دائم .. ماما وصاحباتي والاغلب بضل يحكيلي مو منيح لازم انفس عن الي بضايقني واشكي وانا بحس بهاد الاشي لاني مرات بحس اني مخنوقة او بدي انفجر من كتر التفكير ..