صورة علم Saudi Arabia
من مجهول
منذ سنة 54 إجابات
7 0 0 7

لا أحب النظر بالمرآة من بشاعتي!

سلام عليكم يابنات الله يخليكم أقروا مشكلتي كلها تكفون انا بموت من الضيقه والقهر انا مررره شينه واللله العظيم شينه لدرجه كل مااروح مكان يقولون أني شينه ويتكلمون من ورأي وجلست أسوي نفسي واثقه بس يقعدون يقولون شينه وشايفه نفسها والله أني اقعد ابكي دائماً وإذا جيت من المدرسه واقعد ابكي ابكي لين انام لتقولون أني حساسه انا ماني حساسه لأني والله شينه عيوني صغار وتخوف وقد قالت بِنَت جاتني وصارحتني وقسم بالله يابنات والله العظيم انها قالت انتي عيونك تخوف وخشمك كبير ووجهك كبير وشفايفك مهي حلوه وتخيلو يابنات انا عندي خد كبير وهد نحيف مررره يعني شئ واضح عقب ماقالت الكلام أنصدمت صح أني اعرف أني حيييل شينه بس قلت في نفسي مو لهدرجه ودخلت الحمام وأبكي والله كرهت نفسي مااحب اناظر في المرايه وكل ماكبرت أصير شينه مررره وبشرتي تعبانه لدرجه حتى اذا صارت تسولف معي وربي انا منقرفه من وجهي وبعض الأحيان تتفشل مني انا ماالومها وحده من صديقات أمي قد قالت حرررام ليش بنتك كذا شينه وخالاتي والله العظيم يتكلون فيني ويقولون فيه بنات شينات بس زي فلانه الي هي انا ماشفنه زي شينها لتقولون اهتمي والله وربي أني اهتم أحط مكياج مافي اي فايده أسوي خلطات ولافيه خلطه الا انا مجربتها مافيه فايده وإذا جلست أسوي تسريحات قسم بالله ماتليق علي مررره والله العلي العظيم أني استغفر محافظه على الصلاه والقيام الليل مايفوتني واقراء قران وكل شئ أسويه وادعي أصير جميله على الأقل لو شوي وتحسن الاعاقه الي في وجهي لأني مااحب أصور لأني اذا صورت مرررره يبين اكثر طبعا وانا ادعي في كل الدعاوي مافقدت الثقه في الله وواثقه وللله الحمد ان ربي بيحقق الي ابيه ان شاء الله بس البنات عقدوني انا عمري ١٦ والله انهم ينقرفون من وجهي حتى المعلمات تخيلو يناظروني نظرات غريبه وتوجع واقعد أسوي نفسي واثقه عايدي بس مافيه فايده والله والله العظيم احس أني ماراح اتزوج لأني شينه شينه ساعدوني بِنت خالتي تقولي لواني بدالك والله انتحر عشان كلام الناس لي وتقولي انتي ماتستحين من نظرات الناس وكلامهم اقعد اقولها خلقت ربي ولله الحمد وانا راضيه وحتى بعض الأحيان يابنات تناظرني بعدين تقول والله أني شينه الله يعين ألي يتزوجك هذا اذا تزوجتي وقبل فيك انا معد صرت الوم أمي لان الناس كثير يتكلمون والله أمي بعد تعبت من وجهي اذا صارت تسولف معي بعض الأحيان ماتناظرني وإذا صرت اروح معها عند ناس محد يجلس معي تعبت والله تعبت ساعدوني تهقون أني ربي يوم خلقني شينه هذا ابتلاه ولا الناس ليش مايقولون خلقت ربي عادي وتعرفون حنا في مجتمع الرجال يحبون الجمال صح فيني دين واخلاق واحترام بس مستحيل اتزوج لأني مافيني ذره انوثه بنات انتو مصدقيني لا تقولون عايدي والله لو تشوفوني ماراح تتاظرون فيني وجهي بشع بقوووه خليت الأغاني وكل شئ حرام حتى المسلسلات صرت وحيده مخد يحس فيني انام ابكي أقوم اقعد ابكي بنات سامحوني انا طولت بس تكفون ساعدوني تكفون الله يخليكم وش نصيحتكم لي الله يوفقكم ويسعدكم ويحقق ماتتمنونه