الرئيسية / قضايا نفسية / منذ وفاة والدي تدهورت حالتي النفسية والدراسية

السؤال

صورة علم Jordan
مجهول
قبل 7 شهر (5 اجابه)
5 اجابه

منذ وفاة والدي تدهورت حالتي النفسية والدراسية

السلام عليكم انا طالبة مدرسة مشكلتي انه كنت كتير شاطره بالمدرسة وكتير مجتهدة وكنت ادرس في اليوم اكتر من ٧ ساعات و ما كنت كتير اشوف اهلي ولاني بطيئه في الحفظ فكنت اضطر ادرس اكتر من ٧ ساعات ومتلا التعريف الواحد كنت احفظه بساعتين لاني بكرر كتييير وفي معلومات من سنين لساتني حافظهااا واتطورت كتير في الرياضيات والانجليزي والعربي والعلوم وفعلا كنت طالبة عاديه جداا لطالبة متميزه وفخوره في نفسهاا ولكن يوم روحت من المدرسة وانصدمت ولقيت ابوي متوفي في حادث وانا حزنت كتير ومر على وفاة ابوي ٣ سنين وانا نفسي اتغير وارجع ادرس كل ما اتذكر انه ما كنت اشوف اهلي كتييير وابوي مات وانا لساتني مو شبعانه من ملامح وجهو ولا بعرف اشي عني بحزن وانربط عندي موضوع الدراسة انه امي تموت لا سمح الله وانا بدرس وبعيده عنهاااا وانا فشلت في دراستي وبطلت ادرس ولا بعرف اشي بالكتب وصرلي على هالحال ٣ سنين ومعدلي نزل من ٩٠ لل٥٠ بالزبط وما حدا بعرف عني اشي ولا حتى امي حاسه فيني والله ببكي كتير وبحزن كتير انه تعبي راح على الفاضي ومش قادرة احكي لامي انه هيك صار تفكيري لانه امي اصلا مش مهتمه في دراستي ولا في نجاحي ولا بهمها امري اصلااااااا وكتير بتجرحني في كلامها وكتير بنام وانا ببكي منهااا بس مقابلهااا انا متعلقه فيهااا بإهانه وبذل ونفسي تفهمني او حتى تهتم لدموعي بس للاسف هاد نصيبي وانا رضيت بس نفسي ابعد تفكيري عن الموت وقت الدراسة واحقق نفسي وانجح وما اضل احس انه انا مقصرة في حق ابوي الي مات وامي مع انه ما عندي اي اشي ارضيهم فييييه بس قصدي ارضيهم انه اقعد معهم يعرفوا اخباري وبس بس حتى ولو هما كانوا مش مهتمين اصلا


قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

صورة علم Jordan
الخبيرة النفسية سراء الأنصاري
قبل 7 شهر

انت كنت تفعلين واجبك تجاه اهلك وتجاه والدك وهذا هو المطلوب منك ولم تقصري به اما ان تفكري ان تتركي واجباتك والحلوس مطولا الى والدك فهو ما لايرضيه حقا حتى لو لم يقل وفكري الان انه في مكان اخر وكل امنيته ان يراك ناجحة واجعليه دافعا لك للدراسة والعمل وكذلك كثرة التعلق بالوالدة وتكوني حولها يزيد الجدل والشجار ويجعل العلاقة غير جيدة واعلمي حتى لو بدت غير مهتمة لدراستك فستكون مهتمة ان علمت بفشلك وسوف تنتقدك ولن تؤمن بالسبب الذي ذكرتيه ثم ان الانشغال والالتزام امر مهم لصحتك النفسية ولعدم سقوطك في الاخطاء

صورة علم
مجهول
قبل 7 شهر

اكبد امك ايضا متأثرة بموت والدك وهذا الشيء الي بيخليكي تشعري انها بعيدة عنك ولكن هي بالحقيقة اكثر الناس خوفا عليكي وعلى مصلحتك بالتأكيد لذلك لا تفكري بهذه الطريقة

صورة علم
مجهول
قبل 7 شهر

يا بنتي تجاوي هالمرحلة بايجابية يعني اكيد موت والدك رح يأثر فيكي ولكن هذا حال الدنيا وانت لازك توكلي امرك لرب العالمين و تكوني أكثر قوة و تصميم وعزم على نجاح

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

 


احجز استشارة أونلاين

اختر الخبير الأنسب لك واحجز معه جلسة استشارية خاصة على الإنترنت في الوقت الذي يناسبك.

احجز الآن