أكره جنس آدم وأخاف منهم كثيراً

أحس أن ليس لدي رغبة في الرجال او الزواج وأخاف منهم احس اني غير عن البنات البنات تتمنى تتزوج وتحب شاب وتخلف عيال بس انا اكره هالشيء جداً ولا اجد بالزواج متعة او سعادة وانا لست شاذة الحمد لله ولكن مستحيل أحب ولد واسوي معه علاقة مع ان عمري 18 يعني كبيرة وفي بداية الشباب لدرجة استغرب من البنات اللي تزوجوا بعمري وخلفوا عيال احياناً اسأل نفسي كيف هم كذا راضين وسعيدين وانا ما أطيق هالشيء ليش يا ترا اللي انا في شيء طبيعي وإذا كبرت اكثر بتتغير نظرتي او ان هذي مشكلة نفسية فيني وغير طبيعية ابي جواب والله خايفة يأثر على مستقبلي بكرا لتزوجت والمشكلة الثانية احس اني مو قادرة أتحمل المسؤولية وأنجب اطفال واربيهم واهتم فيهم اكره هذا الشيء مع اني بطبيعتي احب الأطفال بس مدري ليش انا كذا دايماً ابي أضل صغيرة وحرة بحياتي ولا اكبر وتلا اتزوج وجيب عيال احس بحزن كل اتذكر الزواج والأطفال