تعبت نفسياً من حياتي ما الحل

قضايا نفسية
animate

انا تعبان نفسيا ومش عارف انا فية ايه خالص ومش فاهم اي حاجة مش فاهم حاجة ومش عارف انا عايز ايه ومش عارف اعمل ايه في ايه ده اولا ثانيا انا عندي مشاكل مع امي وبتنتقدني يامة وعندي مشاكل في الدراسة وانا في جامعة ومعنديش اي أصحاب خالص كلهم مجرد زمايل وعندي مشكلة تانية انا ما بحبش حد ومش فاهم ليه كما أني عندي شعور بالغضب وعدم الرضا عن معظم الحاجات اللي حصلت في حياتي ومضايق من نفسي وحياتي وكمان انا كنت مدمن عادة سرية لكن دلوقتي بعملها في الأسبوع مرة أو اتنين وكمان لم تعد لدى حالة الإثارة اوالنشوة عندما أشاهد حاجة إباحية وده مخوفني على فكرة انا بصلي ومنتظم في الصلاة بقالي اكتر من شهرين وانا كمان عندي وسوسة جامدة ورخمة في النظافة وعلاقتي بربنا لاني بصلي ومع ذلك بعمل العادة مع العلم انها قلت جداً والايام دي بتعصب كتير ومش متأكد من معظم الحاجات اللي بعملها وعايز اعرف اعمل ايه في ايه على فكرة انا امي وابوي منفصلين من وأنا صغير خالص وانا عايش مع زوج امي وامي واختي وكمان وانا عندي 8 سنين اتعرضت لمحاولة اغتصاب لكن عدت على خير الحمد لله انا دلوقتي عندي 21 سنة تقريبا

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري طبعا انت تحتاج الى جلسات علاج نفسي لانه لديك كثير من الامور التي تحتاج مناقشة وحلول وتوجيه اولها عليك تقبل الامور التي ليست بيدك مثل انفصال الوالدين او صعوبة التعبير عن نفسك،، ثانيا عليك وضع اهداف يومية لكي تضع لك سكة يوما بيوم والامر الجيد هو التزامك الروحاني بالصلاة وعدم الاكثار من الاثارة الجنسية وامر مهم اخر عليك الجلوس بهدوء مع نفسك ومحاولة مواجهتها ومعرفة الاسباب الحقيقية الانية في غضبك. حاول تفهم الوالدة والاسباب التي تنتقدك بها لا تحاول الدفاع عن نفسك اسمعها للاخر وارجع الى نفسك وتفكر فيها فقد ترى هي ما لاتراه وقد يكون رايها مفيدا ومهما قد تكون الطريقة مستفزة ولكن لب الموضوع قد يكون فيه الحل ياريت تكتب مشكلتك جزءا جزءا لنركز معك في كل جزء ونحاول حله بدل العموميات
  • صورة علم Netherlands
    صورة علم Netherlands
    من مجهول

    انا شخص اشتماعي كتير والناس اغلبيته بتحبني بس هي الفترا بعد ما سفرت وبعدت عن الناس الي بحبون صرت شخص ماعد يحب يحكي مع حده او يكون صداقات لانو المشتمع او الناس الي انا هلق معون في اشخاص كتير غريبه وناس مش قادر افهمهم فبعدت عن الكل الي حواليه وصرت حس بي شغلات غريبه جواتي ومش قادر اني افهم حالي دوم مدايق وحابب اني احكي لحده على الشي الي جواتي بس مش قادر صرت بس بدي ابكي كرمال ارتاح وهلق انا مش قادر اني فكر ابدن او ركز بي ايا شي ماعد افهم حالي ابدن

  • animate

  • صورة علم Egypt
    صورة علم Egypt
    من مجهول
    انا تعبت من حياتي انا مش عارفه ماي بس انا تعبت دايما بفكر انتحر وحراسه اني وحيد مع وجود كل حاجه ف حياتي بس انا حاسه اني وحيد محدش بيفهمني ولا حتي البيست فرند بتاعتي انا بجد تعبت ومش عارفه الحل حتي الشخص اللي بحبه حاسه أنه مش بيحبني حاسه اني مفيش حد بيحبني احيانا بحس بخنقه جوه قلبي مش عارفه ايه سببها انا يعتبر مكتبتش كل اللي جوايا
  • صورة علم Egypt
    صورة علم Egypt
    من مجهول

    لله الامر من قبل ومن بعد 

  • صورة علم Egypt
    صورة علم Egypt
    من مجهول

    شعور أن معنديش صحاب أو أهل أو حد واقف جنبي وبيدعمني وحش اوي بقالي فتره م كويسه وطبعا محدش مهتم أنه يعرف ،الاهل كلمه نفسي احس بيها فعلا لاني تعبت من كوني العيله والصاحب لنفسي .احساس وحش اوي والعياط مش مفارقني والزعل ، بجد انتوا خلتوني اسوء نسخه مني أو اتعسانا عرفت معنى الانهيار الحقيقي الفتره دي ،حرفيا ع مدار اخر 6 شهور عملت حاجات متخيلتش اعملها انا بعيط في اي حته في الشارع وانا قاعده بعيط على طول ومنغير سبب .

  • صورة علم Egypt
    صورة علم Egypt
    من مجهول

    انا تعبانه جدآ الفتره دي انا عليه ضغوطات من جميع النواحي وسني صغير مش قادره استحمل كدا واول الضغوطات  دي اهلي بحس دايما انهم جاين عليا بزيادة مش عايشه مرتاحه دايما بحاول اكون كويسه واضحك بس مفيش حديد بيحصل نفستي بتدمر اكتر من الاول الكل بقا يكرهني بقيت ببعد عن الكل بقعد لوحدي مبقتش قوي زي زمان بقيت ضععيفه اووي بقا الكل يستهزأ بيا حتي حبيبي واخواتي من كتر التعب الي جوايا حاولت انتظر اربع مرات حاسه إني تايهه ومش لاقيه حد يدليني علي الطريق الصحيح خايفه اروح لدكتور نفسي الكل يتكلم عليا ملحوظه اي حاجه بعملها في حياتي حلوه او وحشه اهلي يفضله يقول الي بتعملي غلط والناس هتتكلم عليكي ومش عارفه اي بيحبو راحه الغريب عن راحتي لو في مشكله مع حد غريب بيقفو معاه ووقفين ليآ علي غلطه واحده وقسم بالله انا مبقيت طايقه اعيش وفكرت في الهروب كتير بس مش لاقيه إنه حل شكلي باهت وعيوني اتغيرت ولما اتغيرت وبقيت اتجنب الكل اهلي قالو عليا ملبوسه كميه تعب نفسسيييي انا بقيت اخاف منهم بقيت اخاف كمان من نفسي حتي مبقاش ليا نفس لي الاكل والشرب بقت حياتي عباره عن نوم ولما أقوم افضل ساكته بقيت اتشاهد قبل منام عشان لو مصحتش تاني عوزا مساعده بجد النهارده جبت عنوان دكتور نفسي ومتردد من الفكره دي وفكرت إني انتحر واستريح مش مفرقه بالي خاالص 

  • صورة علم Syrian Arab Republic
    صورة علم Syrian Arab Republic
    من مجهول

    انا صرلي فترة تعبانة ونفسيت تعبانة مالي خلق حكي مع حد ماعم  كون  مبسوطة وامور كتير مخربك

  • صورة علم Germany
    صورة علم Germany
    من مجهول

    والله الحياه بسيطه بس عايزه الصبر والتفاؤل ولعل الله يحدث بعد ذلك أمرا 

  • صورة علم Egypt
    صورة علم Egypt
    من مجهول

    و اخبارك ايه دلوقتي ؟

  • صورة علم Germany
    صورة علم Germany
    من مجهول

    انا عندي مشكلة مع أهلى دايما بيحبوا يكرروا اي موضوع بأسلوب استهزاء انا كنت عملا و يفضلوا يتريقوا عليا ويستهزوء بكل كلمة بقولها ومش بحس معاهم بالامان وببقى على طول خايفة وساعات بتيجي عليا فترة بآعد اعيط كل يوم ولما اجى اقولهم يقولولي اخواتك معاكي فى الأوضة ازاى مش بيسمعوكي مع انى مش بعيط بحس عالى علشان مش عاوزة حد  يقولى مالك وفيكي اي وحاولت كام مرة اعور نفسي بسبب انى مفيش حد فهمنى و لا في  حد اتكلم معه دايما ببقى لوحدى مع انى كويسة في دراستى بس يقوم لما انقص في شامل كام درجة بيفضلوا يزعقوا ومقرارين انى لو مجبتش الدرجة الهما عاوزنها هيأعدوني من دراستى خالاص وانا فى اولى ثانوي  ومش عرفه اعمل اي ومحدش حاسس بيا لدرجة انى لما بعوز اعيط واخواتى بيبقوا صاحيين بدخل الحمام وأفضل اعيط براحتي وساعات بنزل من البيت وادعى انى مرجعش تانى واعمل حادثة بس خالاص تعبت ده غير ماما اجى اقولها على ميعاد درسي تقولى وريني الورقة بتاعت المواعيد واتصلى بالسنتر قبل متنزلى وبيسألوني اسئلة غريبة الفترة دي ومش مفهومة اعمل اي معاهم ؟ 

  • صورة علم Germany
    صورة علم Germany
    من مجهول

    ربنا يكون في عونك من الصعب دلوقتي انك اصلا تلاقي حد من أهلك يفهك كل واحد بقى عنده نفسه وبس والاحسن انك تلتزم بالصلاة لان ربنا هو سندك وانك تتكلم مع ربنا احسن متتكلم مع بشر 

  • صورة علم Egypt
    صورة علم Egypt
    من مجهول

    انا وخطيبي ديما خناق وعلى حاجات تافة جدا وبجد تعبت نفسيا لدرجة مش قادرة أركز فى دراستك وديه اخر سنة فى التعليم

  • صورة علم Egypt
    صورة علم Egypt
    من مجهول

    انا تعبت من حياتي ومش عارفه اعمل اي حاسه ان مش عايزه اعيش فيها مريت بكام حاجهف حياتي ومن يومهاا مش عارفه ارجع تاني 

  • صورة علم Egypt
    صورة علم Egypt
    من مجهول

    انا من سعتها وجيت ع الدنيا مشفتش يوم عدل بسبب اهلي وامي الأخص ولو موت مش مسحمحها ابدا بجد حسبي الله ونعم الوكيل انا ف تالته ثانوي وبعافر انا شاطره ف الدراسه بس مستقبلي بضيع بسببهم

  • صورة علم Egypt
    صورة علم Egypt
    من مجهول

    انا اتخطبت مرتين الاول قاعدة معها سنه و التانى اربع شهور بس بعد  التانى عنى مدمرنى و معنى كنت بحب الاول بس اكتشفت انو مش مناسب لى و التانى سبب انو بعد عنى بيقول انا زهقت من كتر حوارت أهللك انو كان حصل كام مشكله انا نفسي انساه و مش عارفه و نفسى ابدا حياتى من تانى بس مش عارفه 

  • صورة علم Egypt
    صورة علم Egypt
    من مجهول

    عندي ليك الحل تشتغل اي شغلانه و تسكن بعيد عن اهلك الفائده هي 1 هتخرج من العزله 2هتكون اصحاب 3هتثق في نفسك4هتعرف تتعامل مع الناس يعني مش اي حد يقولك كلمه هتاثر عليك فهمتني 5طبعا مش هتبقا تفكر في العاده السريه مع الوقت 6مع الوقت هتتعرف علي وحده كويسه و تبني علاقه جديه مش الوهم اللي انت فيه 7و طبعا متتعرفشي علي الناس الوحشه و لو صحبك بيعمل حاجه وحشه مثلا الشتيمه متعملشي زيه و خلي ليك شخصيه اناس تحب تكون زيك مش العكس و ربنا معاك انا كنت زيك و تقريبا في نفس عمرك و ربنا المعين 

  • صورة علم Egypt
    صورة علم Egypt
    من مجهول

    بحب خطيبي هو شخص كويس جدا ويعرف ربنا حصل بينه وبين جوز امي ال هو اصلا سبب كل حاجه وحشه حصلتلى من يوم ما دخل حياة امي بعد وفاة بابا دلوقتي عمتى اخت بابا عايزه تفسخ خطوبتى منه علشان مش راضيه ولا موافقه اتعامل مع جوز امي بعد ماضربني كذا مره و كل مره جسمي بيكون متشوه اكتر من المره ال قبلها وانا مش صغيره ع الضرب انا عندي 20سنه حرفياً انا بكرهه جدا وهما دلوقتي عايزين يفسخو الخطوبه وبيقولو لازم نكسرها ونجيب مناخيرها الأرض دا علشان مش عايزه اتعامل معاه خلو أهل خطيبي كرهونى من كلامهم الوحش عني اعمل اي بجد محتاجه حد يفيدني ضروري خطيبي لسه مكلمنى وبيقولى الوضع ف بيته مش مستقر نهائي اعمل اي 

  • صورة علم Egypt
    صورة علم Egypt
    من مجهول

    انا قعدت سبع سنين عندي توحد لحد ما خلاص تعبت من كل حاجة  حواليا ديما بتقارن بغيري ديما محض للنقد والسخرية والضحك لو فكرت اني اشتكي بتأذي بالكلام اللي بيتقلي وبحس اني ديما قليلة في واني مليش لازمة واني سبب في اي مشكلة بتحصل ديما اللوم علي لحد ما خلاص بقيت اكره حياتي 

  • صورة علم Egypt
    صورة علم Egypt
    من مجهول

    بختصار موجز سبب من اسباب مشاكل الكل الوحدة ، عدم الثقة ، مفيش حد مأتمن ، السوشيل ميديا عنصر اساسي في الاكتائاب اشمعني دي كذا وانا لا اشمعني دة كذا وانا لا ، مفيش حد من الأهل واقف في الصف او بيستمع ليكم

  • صورة علم Egypt
    صورة علم Egypt
    من مجهول

    انا مفيش حد في حياتي حلو ولا اهل ولا صحاب بجد اهلي كانوا السبب اني فقدت النطق وانا كنت في 1ثانوي كانوا دايما شاكين فيا مع اني مش عامله باسورد علي الموبايل والتلفون في ايدهم علطول امي دايما تفارق بيني وبين اخواتي البنات والاولاد في كل حاجه لبس اكل فسح انا مكنتش منتظمه في الصلاه انا في فتره اولي ثانوي كنت بصلي بانتظام علشان ادعي ربنا مخصوص انه ياخدني و اموت انا في الفتره دي مكنتش باكل ولا بشرب ولا بتكلم ولا حتي بذاكر كان بابا دايما يضربني قدام زمايلي بالقلم بعصايه باي حاجه تيجي في ايده ولما اضرب ملقاش حتي اخ او اخت يجي يقولي معلش كانوا بيتريقوا ويقولوا احسن بجد مش قادره الناس كلها في ليله العيد بتبقا فرحانه انا في ليله العيد عيني كانت وارمه من العياط هما بقا اهلي يقولو البت عامله نفسها كئيبه وعامله نفسها مريضه نفسيا وهما اتعملوا مع الفتره الي مكنتش فيها بتكلم بزعيق وضرب وكمان فكروا الي فيا من ولد عمل فيا حاجه وانا اصلا مبخرجش من البيت وفضلوا يضربوا ويشدوا في شعري لدرجه اني شعري بقي بيقع انا كل شويه افكر في الانتحار بس لما افتكر ان لما انتحر هبقا كافره هيبقي عذاب في الدنيا و في الاخره بجد مش عارفه اعمل ايه ومبقتش اعرف حتي افكر ولا اقوم اعمل حاجه بجد تعبانه اوي يا رب اموت بجد مش قادره ابطل عياط انا دلوقتي داخله تانيه ثانوي وانا عايزه اركز في مستقبلي علشان متحوجش ليهم ابدا  

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟