ماتت أختي وتركتني أتعذب على فراقها، كيف أتخلص من تأنيب الضمير؟

احساس تأنيب الضمير ملازمنى منذ وفاة اختى الصغيره هى اصغر منى ب٤ سنين كنا متخانقين زى اى اخوات وفضلت مخصماها ٣ شهور ولان هى كانت غلطانه كانت بتعتذر وبتحاول تنهى الخلاف بس انا كنت قاسيه عليها عشان اعلمها من غلطها بابا وماما حاولوا كتير ينهوا الخلاف بس انا كنت رافضه اى نقاش فى الموضوع داه هحكى سبب الخلاف انا طول الوقت متحمله مسؤلية اختى فى كل حاجة من اصغر حاجة لاكبر حاجة كنا صحاب قبل ما نكون اخوات دايما كنت بنصحها لغاية ما حصلت مشكله كبيرة لاختى هى ملهاش ذنب فيها اتأذت من بنات هى كانت مصاحباهم جداد انا عارفه كل اصحابها بس البنات الجداد دول مكنتش مستريحه لصداقتهم لغاية ما حصل اللى حصل عدينا المشكله سوا وقلتلها ملكيش دعوه بيهم لاخر العمر وهمتنى انها مقتنعة بكلامى بس البنات اصلا كانوا لاعبين فى دماغها لغاية ما اقنعوها ان انا بغير منها وان انا متسلطه عليها ولاغيه شخصيتها مع ان داه كدب خالص كنت خارجة مع اصحابى فى كافيه واختى كدبت عليا وقالت انها خارجة مع صحابها الكويسين بس طلعت خارجة مع صحابها الجداد هى مكنتش نعرف ان هخرج لان خروجتى جات مفأجاة اول ما شفتنا جت عليا انا وصحابى تسلم عليهم بمنتهى الجرأه كانت بتتحدانى عايزة تثبتلى انها مش خايفه منى كلمتها بهدوء وقلتلها يلا نروح علت صوتها وحصلت خناقة كبيره جدا روحنا كملنا خناقه فى البيت ومن يوميها وعلاقتنا بايظة كلامها ساعتها مستحيل اللى كانت بتقولوا اختى واتهامتها ليا كانت صادمة هى اه ندمت بعدها ورجعت تانى بتاعة زمان وبعدت عنهم بس كنت زعلانه منها اوى يوم الحادثة كنا خارجين انا وهى واخويا كنت انا اللى سايقه وهى جمبى واخويا ورا كنا رايحين لعمتى انا دخلت فى غيبوبة واختى اتوفت فى لحظتها اما اخويا كانت حالته خطيرة الحمد لله هو كويس دلوقتى لما فوقت من الغيبوبه وعرفت الخبر مكنتش مصدقه كنت زى ما اكون فى كابوس مكنتش قادرة اصدق انها مشيت وسابتنى من قبل ما نتصالح من قبل ما اخودها فى حضنى وافهما قد ايه انا كنت بحبها عمرى ما اتخيلت انها تسبنى بالسرعه دى امال مين اللى هتبقى جمبى فى جوازى مين اللى هتشيل اول طفل ليا فضلت فترة بتعالج عن دكتور نفسى من الصدمة بس دلوقتى انا بقيت صابرة الحمد لله بزرها باستمرار وختملتها ٦ مرات لغاية دلوقتى بس بردة لسه بتوحشنى ندامنه اوى اوى ان ضيعت اخر ايام ليها واحنا بعيد عن بعض كل ما افتكرها او يحكوا عننا وتيجى سيرتها فى اى موضوع بانهار اوقات كان كنت بقول هى اكيد مش ماتت وبتعمل مقلب فيا عشان اسامحها وتشوفنى بحبها قد ايه كنت ساعات وانا داخلها البيت اقول هى اللى هتفتحلى اول عيد ميلاد ليا عدى عليا من غيرها من غير ما تصحينى وتفضل تغنيلى وتضحك معايا ضحكتها وحشتنى اوى اوى