كلمة مجنونة أوصلتني إلى!

السلام عليكم مشكلتي طويييييله بس بأختصرها لكم ..انا من كنت صغيره عمري تقريبا ٩ لليوم عمري ٢٠ سنه ،كانو اهلي ينادوني بالمجنونه فكان عادي عندي لما كبرت شوي تقريباً ١١ او ١٢ اقعد افكر ليش يقولون انا مجنونه كنت حتى لما اعصب وافرض شخصيتي كانت امي تقول مب انتي اللي تتكلمين هذا الجني كنت صغيره والله مافهم هالكلام المهم لما كبرت شوي ١٥_١٦ افكر وافكر ليش يقولون كذا وربي كل يوم انام وانا ابكي ليش كلهم يقولون مجنونه حتى لما اضرب اختي الصغيره والله ضربه خفيفه عشان شي غلط يقول ابوي لأختي ماعليك هذي وحده مجنونه وهبلا قدام خواتي ،فصرت عاااااااااقله وهااااااااديه مره مره مرره وساااكته طول الوقت ولما يكون فيه جمعة حريم وبنات كلهم يسولفو ويضحكو الا انا يعني صرت انسانه مُمله وثقيلة دم وكآبة وحزن العالم كله فيني ،والله دايم ابكي بسبب هالشي اجتمع مع الناس مثل الصنم ماعرف اسوف ولا حتى اعرف اتكلم ،ولما يتكلمو عني او اي شي انا قلته وجهي يحمر واتلعثم كلهم يقولون ليش صرتي كذا وين هيفاء اللي زمان ؟ وانا ماجاوب بس عيوني تمتلي دموع اقوم اغسل وجهي او اشرب مويه وارجع اجلس مثل الصنم ،يمين الله تعبت ابغى ارجع مثل ماكنت ثقتي بنفسي راحت ازعاجي راح جرأتي راحت كنت احب اضحك واطلع واسولف الحين العكس ،والله لليوم اقول الله لا يسامح امي وابوي واختي الكبيره هم السبب في كل ذا وربي تعبت ،لحد يقول روحي عند دكتور نفسي لأن والله كان رحت بس احنا بمكان مافي عيادات نفسيه ،ابغى حل + دعواتكم الله يساعدني .. فمان الله ✋