خطيبي يشك فيني

السلام عليكم انا عندي 25 سنه انا اتخطبت بعد حب خمس سنين بيني وبين جاري احنا في سن بعض هو ايام الارتباط كان في مشاكل كتير جدا وانا علشان كنت بحبه كنت بعدي وفي الغالب كان السبب ان كليتي اعلي من كليته فكان كل حوار او مشكله تحصل يفضل يقولي ما هو علشان انتي كليتك اعلي مني وصحابك فئه تانيه مع ان الحوار مبيكونش يخص اصلا كليه ولا تعليم انا عارفه انه بيحبني بس زياده اوي حب مرضي مش عاوزني اشوف حد ولا اكلم حد من صحباتي في موب ولا اقابلهم ولا اي حاجه بيفضل يدور ورايا في كل حاجه وبيسأل في ادق ادق التفاصيل وفضل المواضيع تتطور انه بيقي يتدخل في خصوصيات اللي حواليا سواء صحابي او اهلي عشان ابعد عنهم واتخطبنا من سنه ونص وخلصت كليتي وطبعا المشاكل فضلت تزيد جدا بعض الخطوبه اهلي طبعا شافو طبعه ده وكرهوه جدا وفضلو يقولولي ده بيشك فيكي مبيعديش حاجه واصرو اني افسخ وانا تمسكت بيه مقدرش تمسكي بيه ده وبردو فضل يعند معاهم في البيت ويزود مشاكله والامر تطور للشتيمه مش محترمه بالاب والام والمعايره وكل خمس دقايق مشكله ويدخل فيها اهله وناس انا بقيت خايفه منه ومش مأمناله علي نفسي خصوصا ان لو رقم غريب رن عليا يعمل حوار ملوش اخر دايما حاسه اني بتحاسب علي ذنب معملتوش دايما ببرر حوارات متخصنيش لاهلي واصحابي واخواتي وطبعا فسخنا بس انا مش قادره انساه تعبانه بجد وصعبانه عليا نفسي اني استحملت كل الاهانات دي و البهدله دي عارفه انه شايف انه استحمل اهلي عشان كانو رافضينه هو مش مقتنع انه الرفض ده عشان طبعه هو وعصبيته الزايده معايا والشتيمه وطول الوقت مفيش علي لسانه الا فلانه دي احسن منك وصاحبي بيشتمها وتعدي واختي احسن منك دايما بيقارن ويدور ورا الناس ولو بس اتناقشت معاه اهو انتي عنديه وبتتناقشي والست المفروض تسكت ومتتكلمش ولو سكت يقولي انا بكره اللي يسكت ده خودي وادي معايا في الكلام متفضليش ساكته انا تعبت اوي مبقيتش عارفه ايه اللي يرضيه ولا ايه ميجيبش مشاكل فانفصلنا بس بردو خايفه من فكره الارتباط والجواز وبقيت مرعوبه بعد كل ده ومش قادره انسي .