وصلت لمرحلة الكره تجاه زوجي

السلام عليكم انا متزوجة من 12 سنة وعمرى 36 سنة متزوجة من رجل طيب ويخاف ربنا بس المشكلة ان انا عايشة فى مشاكل مع زوجى من اول يوم حالته المادية صعبة وانا واقفة جانبه بكل قدرتى وده بشاهدته هو شخصيا والعلاقة الحميمة بينا كانت سيئة جدا لمشاكل عنده الى ان وصلت حاليا لعدم قدرته نهائيا وعنده مشاكل فى الانجاب فقد انجبنا بنت واحدة فقط كل ديه ظروف خارجة عن ارادته وانا مستحملة وراضية ومتاقلمة بس اللى مش قادرة اتاقلم عليه هو تعامله معايا هو مش مهتم بيا خالص وما بيحاولش يرضينى حتى لو غلط فى حقى وهو شخص بارد وبخيل فى مشاعره وقليل الكلام مش بيفكر فى حاجة غير شغله ومع ذلك ظروفنا المادية صعبة جدا مع انه مسافر بيشتغل خارج االبلاد من بعدجوازنا ب3 سنين وانا الل. كنت شايلة مسئولية بنتى وكل شئ لوحدى وحاليا انا معاه فى الغربة بكل معنى لكلمة الغربة مش قادر يشيل مسئوليتنا كل شئ عايزينه فى البيت او خاص بالبنت بيتعمل بصعوبة وخناق ومافيش وقت اصلا اطلب منه اللى احنا عايزينه مجرد ما بيدخل البيت بينام وانا محبوسة بين 4 حيطان لوحدى لحد.ما حالتى النفسية ما ادمرت كل حياتنا اتقلبت لخناق لحد ما بطلت اطلب منه اى حاجة علشان ارحم صحتى من الضغط لحد مامصالحنا كلها متعطلة وحياتى واقفة احنا فى بلد غريبة ومعرفش فيها حاجة علشان اقدر اتصرف لوحدى انا وصلت لمرحلة الكره مش طيقاه ونفسى اسيبه بس انا خايفة على بنتى اه نسيت اقول ان فى مشاكل الشغل عنده وما بيقبضش وعايشين على السلف اناعايشة فى وحدة قاتلة وما شفتش سعادة فى حياتى معاهاعمل ايه اسيبه ولا اتحمل علشان بنتى مع العلم انى بقيت عصبية جدا غصب عنى والله وعلى طول ببكى انا اسفة للاطالة